A’ ye tɔw dɛmɛ ka dususaaloli sɔrɔ
1 Mɔgɔ caman sɛgɛnna ka jahadikow ni kɛlɛkow ni kojuguw ni nyanikow mɛn. Hali k’a sɔrɔ a tɛ ye jɛlenya la bi donw kibaru lakalitaw la, dususaaloli ye fɛn ye, hadamadenw mago bɛ min na tiɲɛ na. Dususaalo kɔrɔ ye “ka fanga ni jigiya di” mɔgɔ wɛrɛ ma, ani k’a ka “dusukasi walima sɔnja mada”. Anw, Jehowa Seerew labɛnnen bɛ ka mɔgɔw dɛmɛ o siratigɛ la (2 Kor. 1:3, 4). An ka gafenin minnu bɛ tali kɛ Bibulu la, n’an bɛna u kofɔ mɔgɔw ye zuluye ni uti kalow la, dususaaloli cikan tiɲɛma bɛ u kɔnɔ (Rɔm. 15:4). Hakilina dɔw filɛ nin ye u jira cogo ko la, hukumu caman kɔnɔ.
2 Kibaru jugu maana bɛ se ka cogo di an ma ka seereya kɛ ani ka dususaaloli lase tɔw ma, a dɔ rɔ, an kɛtɔ ka fɛn fɔ u ye min ni nin bɔlen bɛ:
“N’o fɛn suguw kɛra, dɔw b’u yɛrɛ ɲininka ni Ala bɛ yen tiɲɛ na, ani n’a bɛ yen, a jan b’an na wa? E bɛ mun miiri o la? [Jaabi makɔnɔ.] Min b’an dɛmɛ k’a dɔn ni Ala bɛ yen, o ye namu banbannen sirataamali ye.” I ka Heburuw 3:4nan kalan. Fɛn wɛrɛw jira an lamini na, minnu tɛ se ka kɛ dilanbaga kɔ. O kɔfɛ i ka taa nyɛ: “Gafenin bɛ n’bolo min bɛna i dususaalo, n’ b’o dɔn. A tɔgɔ ye Dieu se soucie-t-il vraiment de nous? [Ɲininkali min bɛ gafenin ɲɛ fɔlɔ kan, i ka o kalan.] Seereyaw b’a kɔnɔ minnu bɛ mɔgɔ kun minɛ k’a jira ko Ala bɛ yen, ani ko sɔɔni a bɛna sigicogoya tilenbaliw bɛɛ ban, o minnu bɛ an da la. Yala i b’a fɛ k’a kalan wa?” Aw ka segin-ka-bɔnye dɔgɔ da.
3 Segin-ka-bɔnye sen fɛ, i bɛ se k’a fɔ:
◼ “An tun kumana seereyaw kan minnu b’a jira ko Ala bɛ yen, don min na ne ye gafenin to i bolo, n’a tɔgɔ ko Dieu se soucie t-il vraiment de nous? A dɔ rɔ, i ye nin yɔrɔ kɔlɔsi ɲɛ 7nan na. [I ka ja yira ani ka dakun 15nan bakurubafɔ.] Nin ye misali kelen dɔrɔn ye min b’a jira ko tiɲɛ na, Ala ka kan ka kɛ yen, Ala min b’i jan to an na. [I ka dakun 27nan kalan ɲɛ 8nan na.] Yɛrɛ kalan Bibulu la, o ye ne dɛmɛ ka diɲɛ don o don gɛlɛyaw kunbɛn, katuguni a bɛ Ala ka hakilina di o koɲɛw kan.” A ɲini ka kalan kɛcogo nyɛjirali kɛ.
4 Nɛgɛjuru fɛ seereya bɛ se ka di gafenin kan min tɔgɔ ko: “Quel est le but de la vie? Comment le découvrir?” I bɛ se k’i dantigɛ k’a fɔ:
◼ “Ne b’i wele cikan nafaman kama, katuguni ne tɛ se k’i yɛrɛ ye ɲɛ la”. I ka dakun fɔlɔ kalan, gafenin ɲɛ 4nan na, k’o kɛ ni nɔgɔya ye, i n’a fɔ ni e ni dɔ bɛ baro la cogo min. A ɲininka a bɛ mun miiri, ani k’a ka jaabi makɔnɔ. “Ne ka Bibulu dayɛlɛlen bɛ k’a bila Esayi 45:18nan na. Nin tɛmɛsira b’a jira ko dugukolo dara an kama. Ne k’a kalan i ye wa?” O kɔfɛ, gafenin dabɔ kun ɲɛfɔ a ye, ani a ɲininka i bɛ se ka den kelen lase a ma cogo min na.
5 Weleli filanan sen fɛ, i bɛ se ka nin kɛcogo sifilɛ walasa ka kalan daminɛ:
◼ “Ne ntalendatɔ b’a fɛ ka jɔli kɛ an ka baro tɛmɛnen kan min bɛ se ka ɲɛnamaya kun fɔ an ye. [But de la vie gafenin dakun 1 ani 2nan kuma kunbabaw ɲɛfɔ, ɲɛ 6nan na.] Jirali 4:11nan b’a fɔ ko Jehowa Ala ye an Dabaga ye. [A kalan.] I ka d’a la ko dalilu tun bɛ a bolo k’an da. Mɔgɔ minnu tun y’a kanu k’o dalilu sɔrɔ, olu ye Ala ka kuma sɛbɛnnen kalan, n’o ye Bibulu ye. Ne b’a fɛ k’i dɛmɛ o siratigɛ la.” An ka sokɔnɔ Bibulu kalan fulama bɛ kɛ cogo min na, o ɲɛfɔ, ka tila ka fɛɛrɛw ta ka kalan daminɛ.
6 Nin kɛcogo nafaman bɛ se ka dususaaloli lase mɔgɔw ma minnu diyanyemɔgɔ dɔ sara:
◼ “Ne bɛ foroba baara la mɔgɔw bɛɛ kosɔn minnu diyanyemɔgɔ dɔ tununna saya la. Komi o ye fɛn gɛlɛmanw bɛɛ la dɔ la kelen ye an ni min bɛ se ka bɛn tuma bɛɛ, nin gafenin labɛnna o kosɔn; a tɔgɔ ye: Quand la mort frappe un être cher. A ye mɔgɔ miliyɔn caman dɛmɛ. Ne b’a fɛ k’a jira i la a bɛ min fɔ Yesu Krista ka layidu talen ko la, layidu min bɛ mɔgɔ sewa. [I ka dakun duurunan kalan, ɲɛ 26nan na, Yuhana 5:21, 28, 29 faralen a kan.] Linjili bɛ Yesu ka maana min lakali a kɛtɔ tiɲɛ na ka Lazare lawuli ka bɔ saya la, ja min bɛ ɲɛ 29nan na, o b’o de jira. N’i b’a fɛ ka nin dususaalo gafenin kalan, a na diya ne ye k’a to i bolo dalasi 30 bolomafara kunkɔrɔ.”
7 N’i seginna ka taa tuma min na, i bɛ se ka “Quand la mort frappe un être cher” gafenin ɲɛ 29nan ja yira kokura, ka tila ka fɔ:
◼ “An k’an hakilijigin an ka baro la min tun bɛ Lazare lakununni kunkan, lakununni min kɛra Krista fɛ. [I ka kunnafoniw kalan minnu bɛ ɲɛ 28nan na, o kɔ, i ka kalan lajɛ, “Cela aura-t-il vraiment lieu?” tila jukɔrɔ.] N’i dusukun b’a fɛ ka d’a la k’i bɛ se k’i diyanyemɔgɔ salen ye ko kura, a to n’ k’i dɛmɛ ka lakununni jigiya kɛ i ta ye.” Sokɔnɔ Bibulu kalan kofɔ.
8 Ala ma tora an k’an seko damajira kɛ, kalo nataw la, ka Yesu ladege an kɛtɔ ka “mɔgɔ nyɛnasisilenw bɛɛ dusu suma”.—Esa. 61:2.