KALANSEN 15

A jira ko i dalen bɛ i ka kuma fɔta la

1 Tesalonikekaw 1:5

BAKURUBAFƆLI: I bɛ ka kuma tiɲɛ min kan, a jira ko i dalenba bɛ o la ani ko o nafa ka bon i bolo.

I labɛn koɲuman. Ɲinini kɛ i ka barokun kan fɔ i k’a faamu a hakilina kolomaw ye minnu ye ani Bibulu bɛ olu tiɲɛtigiya cogo min na. A ɲini ka i ka barokun yɔrɔ kolomaw fɔ ni daɲɛ nɔgɔman damadɔw ye. Olu bɛ se ka i lamɛnbagaw dɛmɛ cogo min na, i sinsin o kan. Delili kɛ walasa ka hakili senu sɔrɔ.

To ka i ka barokun kalan ni kanba ye walasa ka barokun hakilinaw jɛya i hakili la ani ka i ka barokun ɲɛ ka ta’a fɛ.
Baara kɛ ni daɲɛw ye minnu bɛ mɔgɔw lasɔn. Sani i ka to ka segin daɲɛ kelenw kan minnu sɛbɛnnen bɛ i ka barokun kɔnɔ, u fɔ i yɛrɛ ka fɔcogo la. Kuma cogo la min b’a jira ko i dalen bɛ i ka fɔtaw la.
Kuma ni barika ani kɔnɔnajɛya ye. Kuma ni kumakan hakɛ ye min ka kan. Yɔrɔ min na mɔgɔw ɲɛda lajɛli tɛ baasi ye, to ka i lamɛnbagaw ɲɛdaw lajɛ.

K’a jira ko i dalen bɛ i ka kuma fɔta la, kana o ni kumacogo ɲagami min bɛ don mɔgɔw gasi la, min b’a jira ko i dalen bɛ i yɛrɛ la kojugu walima ka i balan i ta la. Hali ni i bɛ kuma ni barika ye, baro nege don i lamɛnbagaw la ni kanuya ye.