Tilanyɔrɔ 12nan dadonkumaw

Yezu ye mɔgɔw kalan sankolo Masaya koo la. A y’u kalan fana ko u ka delili kɛ Ala tɔgɔ ka saniya, a ka Masaya ka na ani a sago ka kɛ dugukolo kan. N’i ye bangebaga ye, a ɲɛfɔ i deen ye o delili kɔrɔ ye min ye an fɛ. Yezu m’a to Sutana k’a ka kantigiya nagasi. Yezu y’a ka cidenw sugandi ani olu lo nana kɛ Ala ka Masaya kuntigi fɔlɔw ye. I deen dɛmɛ a k’a kɔrɔsi cogo min na Yezu kisɛyara tiɲɛn batoli koo la. Komi Yuzu tun b’a fɛ ka mɔgɔw dɛmɛ, a ye banabagatɔw kɛnɛya, ka kɔngɔtɔw balo ani ka suuw yɛrɛ kunu. O kabakow fɛ, a y’a yira Ala ka Masaya bena min kɛ adamadenw ye.