Tilanyɔrɔ 11nan dadonkumaw

Tilanyɔrɔ nin be gɛrɛkikan sɛbɛninw lo dadon. Yezu wolola denbaya dɔ kɔnɔ min mɔgɔw tun ye fantanw ye. U tun siginin be dugudennin dɔ lo la. Yezu tun be baara kɛ n’a facɛ ye, min ye miniziye ye. Yezu kelenpe lo tun bena adamadenw kisi. Jehova y’a sugandi k’a kɛ sankolo Masaya ka Masacɛ ye. Yezu tun bena kɔrɔbaya denbaya min kɔnɔ ani mɔgɔ minw cɛma, Jehova y’o sugandi koɲuman. N’i ye bangebaga ye, i deen dɛmɛ a k’o faamu koɲuman. A yira a la cogo min na Jehova ye Yezu latanga tuma min na Erɔdi tun b’a fɛ k’a faga. A yira a la fana ko foyi tɛ se ka Jehova bali k’a ka laɲinita dafa. Jehova ye Zan sugandi ka sira labɛn Yezu ye cogo min na i deen dɛmɛ a k’o faamu. A yira ka gwɛ cogo min na Yezu y’a yira ko Jehova ka hakilitigiya ka di a ye hali k’a sɔrɔ a tun ye denmisɛn ye.