YƆRƆ 1

An bɛ Ala lamɛn cogo jumɛn na?

Ala bɛ kuma an ye Bibulu sababu fɛ. 2 Timote 3:16

Ka a to a ka masasigilan kan sankolo la Jehova ye hadamadenw ɲɛminɛ u ka Bibulu sɛbɛn

Ala lakika ye cɛ dɔw ɲɛminɛ u ka a ka miirinaw sɛbɛn kitabu senuman dɔ kɔnɔ. O kitabu ye Bibulu de ye. Ala b’a fɛ i ka kibaruya nafama min dɔn, o bɛ sɔrɔ a kɔnɔ.

Ala b’a dɔn ko min ka ɲi an ma kosɛbɛ, bawo ale kelenpe de bɛ se ka hakilitigiya lakika di. N’i ye ale lamɛn, tiɲɛ na i bɛ kɛ hakilitigi ye. —Ntalenw 1:5.

Bibulu bɛ sɔrɔ kan caman na; cɛ dɔ bɛ ka Bibulu kalan a ka kan na

Ala b’a fɛ dugukolo kan mɔgɔw bɛɛ ka Bibulu kalan. Bi bi in na, a bɛ sɔrɔ kan caman na.

N’i b’a fɛ ka Ala lamɛn, fo i ka Bibulu kalan, k’a famu.

Yɔrɔ bɛɛ la, mɔgɔw bɛ lamɛnni kɛ. Matiyu 28:19

Jehova Seere dɔ bɛ ka sɛbɛn kalan cɛ dɔ kun, o kɔ u bɛ laban ka Bibulukalan kɛ

Jehova Seerew bɛ se k’i dɛmɛ ka Bibulu famuya.

Dugukolo fan bɛɛ la, olu de bɛ mɔgɔw kalan walisa u ka tiɲɛ dɔn Ala ko la.

Lajɛ dɔ bɛ ka kɛ Jehova Seerew ka Masaya So la

U bɛ i kalan fu. I bɛ se ka fɛn wɛrɛw fana dɔn Ala ko la Jehova Seerew ka lajɛ kɛyɔrɔ la.