YƆRƆ 2

Ala lakika ye jɔni ye?

K’a to sankolo la a ka masasigilan kan, Jehova bɛ ka a ka sankolola dafɛnw ni a ka dugukolo kan dafɛnw lajɛ

Ala lakika kelenpe de bɛ yen. A tɔgɔ ko Jehova. (Zaburu 83:19) A bɛ sankolo la, an tɛ se ka a ye. Ala bɛ an kanu, a b’a fɛ an fana ka ale kanu. A b’a fɛ fana an ka mɔgɔ tɔw kanu. (Matiyu 22:35-40) Ala de ye fɛn bɛɛ da, wa ale kelen de bɛ fɛn bɛɛ san fɛ.

Ala ka danfɛn fɔlɔ kɛra mɛlɛkɛ setigiba dɔ ye. Kɔ fɛ, o nalen dugukolo kan, a welela Yesu Krisita. Jehova ye mɛlɛkɛ wɛrɛw fana da.

Jehova ye sankolola fɛnw bɛɛ da . . . ani dugukolokan fɛnw bɛɛ. Jirali 4:11

Jehova Ala ye dolow da, ka dugukolo ni a kan fɛnw da.—Jenɛse 1:1.

A ye cɛ fɔlɔ Hadama dila ni dugukolo buguri ye.—Jenɛse 2:7.