AN KA ƝƐNAMAYA KƐ IKO KRECƐNW
Jehova bɛ mɔgɔ dusu nimisibaatɔ kisi
Bɛɛ dusu bɛ kasi tuma dɔw la. Ni i dusu kasira, o kɔrɔ tɛ ko dannaya tɛ i la ka ɲɛsin Jehova ma. Hali Jehova yɛrɛ y’a jira ko ale dusu bɛ kasi tuma dɔw la. (Jenɛse 6:5, 6) Nka ni an dusu bɛ kasi kojugu tuma caman, walima tuma bɛɛ dun?
Jehova deli a k’i dɛmɛ. Jehova b’a mago don kosɛbɛ an ka kɛnɛya ko la hakili ta fan fɛ ani dusukun ta fan fɛ. Ni an nisɔndiyalen don tuma min na ani ni an dusukasilen don tuma min na, a b’o dɔn. A bɛ an miiri kun dɔn, wa a bɛ an dusukunnata fana dɔn. (Zaburu 7:10b) Min nafa ka bon n’a bɛɛ ye o ye ko, Jehova b’a janto an na ani ko a bɛ se ka an dɛmɛ ka se sɔrɔ dusukasi ani dusutiɲɛ bana miiriliw kan.—Zaburu 34:19.
I janto i ka miiriliw la. Ni an fari fagara, o bɛ nɔ bila an ka nisɔndiya la, nka o dɔrɔn tɛ, o bɛ nɔ bila an ni Jehova ka teriya fana na. O de kosɔn, a ka fisa an ka an dusukun kɔlɔsi, o min ye an kɔnɔna mɔgɔ dogolen ye.—Ntalenw 4:23.
NIN WIDEYO LAJƐ: AN BALIMAW BƐ HƐRƐ LA COGO MIN NA HALI K’A SƆRƆ DUSUTIƝƐ BANA BƐ U KAN, O KƆ AW KA NIN ƝININKALI NINNU JAABI
Nikki ye fɛn jɔnjɔn jumɛnw de kɛ minnu y’a dɛmɛ ka se sɔrɔ dusutiɲɛ bana kan?
Mun na Nikki y’a ye ko a mago tun b’a la ka dɛmɛ ɲini dɔgɔtɔrɔ fɛ?—Matiyu 9:12
Nikki y’a jigi da Jehova kan sira jumɛnw de fɛ walasa a k’a dɛmɛ?