Bɛɛ bɛ se ka min kɛ walasa ka dɔ fara denbaya ka nisɔndiya kan

Jehova b’a fɛ nisɔndiya ka kɛ denbayaw kɔnɔ. (Zaburu 127:3-5; Waajulikɛla 9:9; 12:1) O bɛɛ n’a ta, nin diɲɛ jɔrɔnankow ani an ka denbaya kɔnɔmɔgɔw ka filimakow bɛ se ka an ka nisɔndiya bɔ an na. Denbaya kɔnɔmɔgɔw kelen-kelen bɛɛ bɛ se ka mun de kɛ walasa ka dɔ fara denbaya ka nisɔndiya kan?

Furucɛ bɛ a muso bonya. (1 Piɛrɛ 3:7) A bɛ waati ta ni a furumuso ye. A b’a ka laɲinitaw bɛrɛbɛn ka ɲɛsin a furumuso ma ani a bɛ a ka waleɲumandɔn jira a furumuso la kow kosɔn a bɛ ka minnu kɛ ale furucɛ yɛrɛ ani a ka denbaya ye. (Kolosekaw 3:15) A b’a jira a furumuso la ko a b’a kanu ani a bɛ a tanu.—Ntalenw 31:28, 31.

Furumuso bɛ cogoyaw ɲini walasa ka a furucɛ dɛmɛ. (Ntalenw 31:12) A bɛ kolo a furucɛ ye ani a bɛ jɛ ka kow kɛ ni a ye. (Kolosekaw 3:18) A bɛ kuma a furucɛ fɛ ni ɲumanya ye, wa a bɛ fɛn ɲuman fɔ a ko la.—Ntalenw 31:26.

Bangebagaw bɛ waati ta ni u denw ye. (Dutɛrɔnɔmɛ 6:6, 7) U b’a fɔ u denw ye ko u bɛ u kanu. (Matiyu 3:17) Ni u bɛ u denw kolo, u bɛ o kɛ ni kanuya ye ani ka jateminɛ kɛ kow la.—Efesekaw 6:4.

Denmisɛnw bɛ u bangebagaw bonya ani ka u kan minɛ. (Ntalenw 23:22) U bɛ u hakilinataw ani u dusukunnakow fɔ u bangebagaw ye. U bɛ sɔn u bangebagaw ka kololi ma ani u bɛ u bonya—Ntalenw 19:20.

NIN WIDEYO LAJƐ: A’Y’A TO ƝAGALI KA KƐ AW KA DENBAYA LA, O KƆ AW KA NIN ƝININKALI JAABI:

U bɛɛ kelen-kelen ye mun de kɛ walasa nisɔndiya ka kɛ denbaya kɔnɔ?