“I ka i fa ni i ba bonya”

K’a to dugukolo kan, Yesu ye a sinsin nin sariya in kan: “I ka i fa ni i ba bonya”. (Ekisode 20:12; Matiyu 15:4) Siga si t’a la, Yesu de tun bɛ se ka o fɔ ka d’a kan “a kolola” a bangebagaw ye tuma min na a tun ye funankɛnin ye. (Luka 2:51) Hali tuma min na a kɔrɔbayara, a ye a janto a la, a ba ka ladon ka ɲɛ ale ka saya kɔfɛ.—Yuhana 19:26, 27.

An ka bi donw fana na, krecɛn funankɛ minnu bɛ kolo u bangebagaw ye ani ka kuma u fɛ ni bonya ye, olu bɛ a jira ko u bɛ bonya da u bangebagaw kan. Tiɲɛna, sariya min ye ko an ka an bangebagaw bonya, dan sigilen tɛ o kɛwaati la. Hali ni u kɔrɔla, an ka kan ka taa a fɛ ka u bonya an kɛtɔ ka nafa bɔ u ka hakilitigiya la. (Ntalenw 23:22) O waati fana na, an bɛ taa a fɛ ka an janto u la kanuya ta fan fɛ ani bolofɛnko ta fan fɛ ni o mago bɛ yen. (1 Timote 5:8) A kɛra ko an ye funankɛw ye walima mɔgɔkɔrɔbaw, ka kumaɲɔgɔnya ɲuman maralen to an ni an bangebagaw cɛ, o ye u bonyali gundo ye.

WIDEYO MIN TƆGƆ YE KO « LE TABLEAU S’ANIME », COMMENT COMMUNIQUER AVEC MES PARENTS ? O JIRA, O KƆ AW YE NIN ƝININKALI NINNU JAABI:

• Mun na a bɛ se ka gɛlɛya e ma ka kuma ni i bangebagaw ye?

• E bɛ se ka bonya da i bangebagaw kan cogo di ni i bɛ ka kuma u fɛ?

  

• Mun na a ka kan i ka cɛsiriw kɛ walasa ka kuma ni i bangebagaw ye? (Ntalenw 15:22)