Ɲɛnamaya kɛ nisɔndiya la fo badaa! gafe kɛcogoya minnu bɛ dɛmɛ kɛ kosɛbɛ

Wideyow ani ɲininkali minnu bɛ mɔgɔw bila u ka u hakilinata fɔ, olu bɛ Ɲɛnamaya kɛ nisɔndiya la fo badaa! gafe kɔnɔ. Yala a ka di i ye ka baara kɛ ni olu ye wa? I bɛ mun fɔ nin yɔrɔ ninnu ko la: “Mɔgɔ dɔw b’a fɔ ko”, “A ɲini ka nin kɛ”, ani “Ninnu lajɛ”? I bolo, yɔrɔ jumɛnw de fana bɛ se ka dɛmɛ kɛ kosɛbɛ ni i bɛ ka Bibulukalan ɲɛminɛ?—Matiyu 28:19, 20.

Jaw ni wideyow: Ni i b’a fɛ ka Bibulukalan ɲɛminɛ i kɛtɔ ka baara kɛ ni nin gafe ɛnprimelen ye, i bɛ se ka wideyow, fɛn kantalenw ani jaw bɛɛ sɔrɔ yɔrɔ kelen nɔgɔya la cogo di? Ni i donna a gafe sɛbɛn cogoya wɛrɛ kɔnɔ, tilayɔrɔ naani minnu bɛ yen, kelen sugandi olu cɛla. O tilayɔrɔ kalansenw barokunw dugumana na, i bɛ se ka o tilayɔrɔ jaw ni a wideyow bɛɛ sugandi. (Ja 1 lajɛ.)

“A sɛbɛn ɛnprimelen cogoya” yɔrɔ: Ni i bɛ ka mɔgɔ dɔ ka Bibulukalan kɛ ni nin gafe ye masinimafɛn sababu la, laala i b’a ye ko ni i bɛ baara kɛ ni “A sɛbɛn ɛnprimelen cogoya” yɔrɔ ye tuma ni tuma ka aw to Bibulukalan na, o bɛ se ka dɛmɛ kɛ. K’i to kalansen kɔnɔ, tomi saba minnu bɛ sanfɛ, olu digi ani ka “A sɛbɛn ɛnprimelen cogoya” yɔrɔ sugandi. K’a bɔ o bɔcogo la, o bɛ se ka i dɛmɛ walasa aw bɛ ka baro kɛ kalansen yɔrɔ min kan, jɛɲɔgɔnya min bɛ o ni kalansen barokunba cɛ, i ka ta’a fɛ ka o to i hakili la ka jɛya. Walasa ka segin ka na a sɛbɛn cogoya wɛrɛ kan, tomi saba minnu bɛ sanfɛ, olu digi tuguni ani ka “A sɛbɛn cogoya wɛrɛ” yɔrɔ sugandi.

“Yala ne labɛnnen bɛ wa?”: O yɔrɔ minnu bɛ gafe laban fan fɛ, olu b’a jira i ka kan ka laɲinita kɛrɛnkɛrɛnnen minnu dafa walasa ka to ka waajuli kɛ ni jɛkulu ye ani ka batɛmu ta. (Ja 2nan lajɛ.)

Kunnafoniw: Kunnafoniw bɛ ɲɛfɔliw di barokun nafama dɔw kan. Ni i ye a sɛbɛn cogoya wɛrɛ ta, o kunnafoniw kelen-kelen bɛɛ laban na, fɛn dɔ bɛ yen min bɛ segin ni i ye yɔrɔ la, i tun bɛ yɔrɔ min na kalansen kɔnɔ. (Ja 2nan lajɛ.)