Bibulukalandenw dɛmɛ u ka lajɛw taali matarafa

Jɛkulu ka lajɛw ye bato senuma fɛn nafama dɔ ye. (Zaburu 22:23) Minnu bɛ u lajɛ ka Jehova bato, olu bɛɛ bɛ nisɔndiya ani dubaw sɔrɔ. (Zaburu 65:5) Bibulukalandenw ka teli ka ɲɛtaw kɛ ni u bɛ taa lajɛw la tuma bɛɛ.

I bɛ se ka i ka Bibulukalandenw dɛmɛ cogo di u ka lajɛw taali matarafa? Ta’a fɛ ka to ka u wele ka na lajɛw la. Mun de bɛ kɛ Masaya So kɔnɔ? wideyo jira u la. Lajɛ nafaw ɲɛfɔ. (lff kalansen 10) I bɛ se ka fɛn kɛrɛnkɛrɛnnen dɔ fɔ, i ye min kalan lajɛ dɔ la, walima fɛn minnu bɛna kɛ lajɛ nataw dɔ la, olu fɔ u ye. Baara bɛna kɛ ni gafe minnu ye, olu di i ka kalandenw ma. Ani fana, u mago bɛ dɛmɛ jɔnjɔn min na, o di u ma. Laala u mago bɛ dɛmɛ na walasa ka se ka se lajɛw kɛyɔrɔ la. Ni i ka Bibulukalandenw taara lajɛ dɔ la tuma min na u siɲɛ fɔlɔ la, i b’a ye ko i ye cɛsiri minnu kɛ, ko olu ni kɛli ka kan.—1 Kɔrɛntekaw 14:24, 25.

WIDEYO LAJƐ MIN TƆGƆ YE KO, I KA BIBULUKALANDENW DƐMƐ U KA LAJƐW TAALI MATARAFA, O KƆ AW KA NIN ƝININKALI NINNU JAABI:

• 

  Neeta tɛmɛnna fɛn jumɛn fɛ ka Jade wele ka na lajɛ dɔ la?

• 

  Mun na an bɛ nisɔndiya ni Bibulukalanden dɔ bɛ lajɛw taali matarafa?

• 

  Jade taara lajɛ la siɲɛ fɔlɔ min na, a ye mun de ye yen?