Bibulukalandenw dɛmɛ u ka u yɛrɛ tanga jɛɲɔgɔn juguw ma

Walasa Bibulukalandenw ka Jehova ka teriya sɔrɔ, u ka kan ka jɛɲɔgɔn ɲumanw sugandi. (Zaburu 15:1, 4) Jɛɲɔgɔn ɲumanw bɛna u bila ka ko tilennen kɛ.—Ntalenw 13:20; lff kalansen 48.

Ni i bɛ ka i ka Bibulukalandenw dɛmɛ u ka u yɛrɛ tanga jɛɲɔgɔn juguw ma, i k’a ɲini ka u faamu. A bɛ se ka kɛ ko a bɛ gɛlɛya u ma ka u sen bɔ u teriw sen na minnu bɛ diɲɛ kɔnɔ. Nka i ka i mago don u la ni kɔnɔnajɛya ye, i ka o kɛ hali donw na minnu na aw tɛ Bibulukalan kɛ ɲɔgɔn fɛ. I bɛ se ka mesazi ci u ma, ka u wele telefɔni na walima ka taa bɔ u ye waatinin kɔnɔ. Ni i ka Bibulukalandenw bɛ ka ɲɛtaaw kɛ, i ka to ka u wele u ka waati kɛ ni Ala ka mɔgɔw ye. O la, u bɛna a ye k’a jɛya ko u bɛ ka fɛnw sɔrɔ minnu ka ca kosɛbɛ ka tɛmɛn fɛnw kan u bɔnɛna minnu na. (Marka 10:29, 30) I yɛrɛ fana bɛna nisɔndiya sɔrɔ, ni i y’a ye ko Jehova ka denbaya kɔnɔmɔgɔw bɛ ka caya.

WIDEYO LAJƐ MIN TƆGƆ YE KO, I KA BIBULUKALANDENW DƐMƐ U KA U YƐRƐ TANGA JƐƝƆGƆN JUGUW MA, O KƆ AW KA NIN ƝININKALI NINNU JAABI:

• Jɛɲɔgɔn juguw ye mun ye?—1 Kɔrɛntekaw 15:33

• Jade y’a miiri ko krecɛn ɲɛnajɛ bɛna kɛ cogo di?

• Neeta ye Jade dɛmɛ cogo di a ka jɛɲɔgɔn ɲumanw bila jɛɲɔgɔn juguw nɔ na?