Kibaru duman fɔ min b’a jira ko diɲɛ fisaman surunyara!

Nowanburukalo la, an bɛna cɛsiri kɛrɛnkɛrɛnnen kɛ walasa ka Kibaru duman fɔ min b’a jira ko diɲɛ fisaman surunyara. (Zaburu 37:10, 11; Jirali 21:3-5.) I ka kow boloda cogo la, min b’a to i ka se k’i sen don o kanpaɲi na kosɛbɛ. Ni i ye sɛbɛn lafa walasa ka kɛ tutigɛbaga farankan ye o kalo la, i bɛ se k’a sugandi ka lɛrɛ 30 walima lɛrɛ 50 kɛ.

I labɛn walasa tɛmɛsira minnu bɛ kuma diɲɛ kura ko la, i ka se ka baro kɛ olu dɔ kan ni mɔgɔ caman ye, ni o bɛ se ka kɛ. I kɛtɔ ka Bibulu tɛmɛsira sugandi, i hakili jagabɔ k’a filɛ fɛn min bɛ diya mɔgɔw ye aw ka waajulikɛyɔrɔ la. Ni dɔ y’a jira ko Kibaru Duman ka di a ye kabini ɲɔgɔnye fɔlɔ la, Tour de Garde min bɛ di jama ma foro kɔnɔ, n^o 2 2021 di o tigi ma. O kɔ, kana bila ka suma kɛ segin-ka-bɔnyew kɛli la ani k’a ɲini ka Bibulukalan daminɛ ni Ɲɛnamaya kɛ nisɔndiya la fo badaa! gafenin ye. Aw m’a dɔn ko nisɔndiyako don ka an sen don kosɛbɛ “fɛn ɲuman kibaru duman” fɔli la!—Esayi 52:7.

NIN DƆNKILI KƐRƐNKƐRƐNNEN WIDEYO LAJƐ: DIƝƐ KURA, O KƆ AW KA NIN ƝININKALI NINNU JAABI:

• Dennin fitinin bɛ ka miiri siniɲɛsigi duman jumɛn ko la?

• E b’a fɛ ka fɛn minnu sɔrɔ kɛrɛnkɛrɛnnenya la diɲɛ kura kɔnɔ, olu dɔw ye jumɛnw ye?

• Ka to ka i hakili jagabɔ i ka jigiya kan, o bɛ se ka i dɛmɛ cogo di i k’i labɛn walasa k’i sen don kosɛbɛ kanpaɲi na min bɛna kɛ nowanburukalo la?—Luka 6:45