AN KA ƝƐNAMAYA KƐ IKO KRECƐNW
Baara kɛ ni Ɲɛnamaya kɛ nisɔndiya la fo badaa! gafe ye waajulibaara la
An nisɔndiyalenba don ka gafenin kura ani gafe kura sɔrɔ Bibulukalanw ɲɛminɛliw kama! An bɛ Jehova deli a ka duba an ka cɛsiriw ye walasa an ka mɔgɔ caman kɛ kalandenw ye. (Matiyu 28:18-20; 1 Kɔrɛntekaw 3:6-9) An bɛ baara kɛ ni o baarakɛminɛn kuraw ye cogo di?
Ɲɛnamaya kɛ nisɔndiya la fo badaa! Bibulukalan min bɛ mɔgɔ nafa, o gafe bɛ Bibulukalan ɲɛminɛli kɛcogo kura jira an na. A’ye tugu nin ɲɛminɛli ninnu kɔ ni aw bɛ Bibulukalanw labɛn ani ka u ɲɛminɛ.a
A’ye kalansen kumaw kalan ani ka baro kɛ ɲininkaliw kan
A fɔra ko ka tɛmɛsira minnu “kalan”, a’ye olu kalan ani ka kalanden dɛmɛ a ka u waleya cogo faamu
A’ye wideyow lajɛ ani ka baro kɛ u kan aw kɛtɔ ka baara kɛ ni ɲininkaliw ye minnu dilen bɛ wideyow kama
Aw ka Bibulukalanw na, aw k’a ɲini ka kalansen kelen kelen bɛɛ ban siɲɛ kelen
Waajulibaara la, aw ka gafenin di fɔlɔ walasa k’a lajɛ n’a ka di a tigi ye. (Nin yɔrɔ koorilen lajɛ: “Ɲɛnamaya kɛ nisɔndiya la fo badaa! gafenin jiracogo ɲɔgɔnye fɔlɔ la.”) Ni aw tilara gafenin bɛɛ kalanni na ɲɔgɔn fɛ ani ni kalanden b’a fɛ ka ta’a fɛ ka kalan kɛ, o la, gafe belebeleba in di a ma ani k’a daminɛ ni kalansen 04nan ye. Ni i bɛ ka mɔgɔ dɔ ka kalan kɛ ka ban ni nin gafew ye: Enseigne walima Restez dans l’amour de Dieu, a tigi ka kalan yɛlɛma Ɲɛnamaya kɛ nisɔndiya la fo badaa! gafe kɔnɔ ani k’a jateminɛ aw bɛ se ka kalan daminɛ yɔrɔ min na o gafe kɔnɔ.
WIDEYO LAJƐ MIN TƆGƆ YE KO I DANSE I KA BIBULUKALAN NA, O KƆ AW KA NIN ƝININKALI NINNU JAABI:
Bibulukalandenw bɛna mun de kalan gafe kura in kɔnɔ?
Mun na i ka kan ka nin wideyo in jira Bibulukalanden kuraw la?
I ka kan ka to ka dusu don kalanden kɔnɔ a k’a ɲini ka fɛn jumɛnw kɛ a kuntilenna ye ani ka u kɛ?—Nin tablo lajɛ: “Barokunw ani a ɲini ka nin kɛ, tilayɔrɔw bɛɛ taw”
a KUNNAFONI: Fɛn minnu bɛ “Ninnu lajɛ” yɔrɔ la, hali ni olu kɛli tɛ jagoya ye kalan kɔnɔna na, waati ta ka olu bɛɛ kalan walima ka u kɔnɔfɛnw bɛɛ lajɛ i ka labɛn waati la. O la, i bɛna se k’a dɔn kɛrɛnkɛrɛnnenya la fɛn minnu ko bɛna diya i ka kalanden ye ani fɛn minnu bɛ se k’a dɛmɛ. O gafe min bɛ intɛrinɛti kan, fɛn dɔw bɛ o kɔnɔ minnu bɛ taa ni an ye wideyow ani fɛn wɛrɛw kan.
BAROKUNW ANI A ƝINI KA NIN KƐ, TILAYƆRƆW BƐƐ TAW |
|||
|---|---|---|---|
KALANSENW |
BAROKUNW |
KALANDEN K’A ƝINI KA NIN KƐ |
|
01-12 |
Bibulu bɛ se ka i dɛmɛ cogo min na ani i bɛ se ka Bibulu tigi dɔn cogo min na |
Dusu don kalanden kɔnɔ a ka to ka Bibulu kalanjɛ kɛ, a ka to k’a ka kalanw labɛn ani ka to ka taa lajɛw la |
|
13-33 |
Ala ye fɛn min kɛ an ye ani bato sugu min ka di a ye |
Dusu don kalanden kɔnɔ a ka to ka tiɲɛ kumaw fɔ mɔgɔ wɛrɛw ye ani ka kɛ weleweledala ye |
|
34-47 |
Ala bɛ min ɲini a batobagaw fɛ |
Dusu don kalanden kɔnɔ a k’a yɛrɛbakun di Jehova ma ani ka batɛmu ta |
|
48-60 |
I bɛ to Ala ka kanuya la cogo min na |
Kalanden bɛ se ka ɲuman faranfasi ka bɔ juguman na cogo min na ani ka ɲɛtaaw kɛ alako ta fan fɛ, a kalan o la |
|