“Krisita ka kanuya bɛ an jija.”—2 Kɔrɛntekaw 5:14
AN KA ƝƐNAMAYA KƐ IKO KRECƐNW
Yala i bɛna kɛ tutigɛbaga farankan ye Marisikalo walima Awirilikalo la wa?
Yala a bɛ diya i ye ka caman kɛ Jehova ka baara la Hakilijigin seli waati la wa? (2 Kɔrɛntekaw 5:14, 15) Tutigɛbaga farankanw bɛ se k’a sugandi ka lɛrɛ 30 walima 50 kɛ waajuli la Marisikalo ni Awirilikalo la. Ni i bɛ se k’i sen don o ko kɛrɛnkɛrɛnnen in na, o la o ɲinini sɛbɛn lafa k’a di jɛkulu ka baara komite ma. Sɔn kɛra mɔgɔ minnu na walisa u ka kɛ tutigɛbaga farankanw ye, o mɔgɔw tɔgɔw bɛna fɔ jɛkulu la kalo o kalo. O cogo la, jɛkulu kɔnɔmɔgɔw bɛ se ka tutigɛbagaw dɛmɛ waajulibaara la. O cogoya min dira an ma Hakilijigin seli waati la, an bɛɛ ka nafaba bɔ o la ka an ka wajuli kɛcogow ɲɛ ka ta’a fɛ ani ka ɲɔgɔn jija.—1 Tesalonikekaw 5:11.