Yakuba ye furu kɛ

29:18-28

Yakuba ma kɔn k’a dɔn a tun bɛna kɔrɔbɔli minnu sɔrɔ furu kosɔn. Rasɛl ni Lea kɛra sinamanw ye. (Jenɛse 29:32; 30:1, 8) Hali k’a sɔrɔ kɔrɔbɔliw tun b’a kan, Yakuba y’a ye ko Jehova tun bɛ k’a dɛmɛ tuma bɛɛ. (Jenɛse 30:29, 30, 43) A laban na, a bɔnsɔnw kɛra Israɛl siya ye.—Ruti 4:11.

An ka bi donw na, minnu b’a sugandi ka furu kɛ, olu bɛna gɛlɛyaw sɔrɔ. (1 Kɔrɛntekaw 7:28) O bɛɛ n’a ta, u bɛ se ka furu duman ani hɛrɛ sɔrɔ ni u bɛ u jigi da Jehova kan ani ka Bibulu sariyakolow waleya.—Ntalenw 3:5, 6; Efesekaw 5:33.