AN KA ƝƐNAMAYA KƐ IKO KRECƐNW
Ka taama cogo senuma la ni bonyali ye, o bɛ dusukunw yɛlɛma
Furumuso minnu kɛra krecɛnw ye, tuma caman na olu taama cogo senuma de bɛ u cɛw dɛmɛ u ka sɔn tiɲɛ la. Nka, o kɛli bɛ se k’a ɲini furumusow fɛ u ka tɔɔrɔba dɔw muɲu san caman kɔnɔ. (1 Piɛrɛ 2:21-23; 3:1, 2) Ni aw bɛ ka tɔɔrɔ tilenbaliyakow fɛ, aw ka ta’a fɛ ka se sɔrɔ juguya kan ko ɲuman fɛ. (Romɛkaw 12:21) Aw bɛ fɛn minnu fɔ Jehova ko la, laala aw furucɛw tɛna o lamɛn, nka ni u ye aw ka misali ɲuman ye, u bɛ se ka tiɲɛ ye, yecogo wɛrɛ la.
Aw k’a ɲini ka kow ye i n’a fɔ aw furuɲɔgɔnw b’u ye cogo min na. (Filipekaw 2:3, 4) A’ye aw yɛrɛw bila u nɔ na ani ka hinɛ u la, wa furumusow jɔyɔrɔ ye min ye, a’ye aw seko bɛɛ kɛ ka o dafa ko ɲuman. Aw ka kɛ lamɛnikɛla ɲumanw ye. (Yakuba 1:19) A’ye muɲuli kɛ ani ka aw furuɲɔgɔnw hakili latigɛ ko aw bɛ u kanu. Hali ni aw furuɲɔgɔnw tɛ o ɲumanya ani o bonyali sugu jira aw la abada, aw bɛ se ka da a la ko Jehova bɛ nafa don aw ka kantigiya la.—1 Piɛrɛ 2:19, 20.
WIDEYO LAJƐ MIN TƆGƆ YE KO JÉHOVAH NOUS DONNE LA FORCE DE PORTER NOTRE CHARGE (o kɔrɔ ye ko: Jehova bɛ fanga di an ma an k’an ka doniw ta) O KƆ AW KA NIN ƝININKALI NINNU JAABI:
Grace Li ka ɲɛnamaya tun bɛ cogo di a ka furu daminɛna?
Mun de y’a to Bibulu tiɲɛ ko diyara a ye?
Balimamuso Li taara a fɛ ka gɛlɛyaw muɲu cogo di a ka batɛmu talen kɔfɛ?
Balimamuso Li ye delili kɛ mun de ko la ka ɲɛsin a cɛ ma?
Balimamuso Li ye duba jumɛnw de sɔrɔ a taama cogo senuma ni a ka bonya jirali kosɔn?
Ka taama cogo senuma la ni bonyali ye, o barika ka bon kosɛbɛ!