ALA KA KUMA NAFOLOMAFƐNW | KOLOSEKAW 1-4

Aw ye aw jogo kɔrɔ bɔ aw la, ka jogo kura don aw la

3:5-14

Balimamuso dɔ ye Approchez-vous de Jéhovah gafe kalan ani tɛmɛsira minnu b’o kɔnɔ ka olu fana kalan a ka Bibulu kɔnɔ, o kɔ a bɛ ka a hakili jagabɔ o kan

Yala i ye yɛlɛmabaw don i jogo la tuma min na i nana tiɲɛ kɔnɔ wa? I bɛ se ka d’a la ko Jehova nisɔndiyara i ka cɛsiriw kosɔn. (Ezekiɛl 33:11) Nka i mago b’a la ka ta’a fɛ ka cɛsiriw kɛ walasa ka i yɛrɛ tanga jogo kɔrɔ kɛwalew ma ani ka ta’a fɛ ka jogo kura kɛwalew waleya. Ɲininkali ninnu jaabi walasa k’a dɔn i mago b’a la ka fɛn minnu labaara ka ɲɛ halisa:

Yala ne bɛ ka ta’a fɛ ka dimin mara n’yɛrɛ kɔnɔ ka ɲɛsin mɔgɔ ma min ye ne hakɛ ta wa?
Yala ne bɛ muɲuli kɛ hali ni ne kɔrɔtɔlen don walima ni ne sɛgɛnnen don wa?
Ni jogo juguyakow hakilina nana ne hakili la, yala ne bɛ o bɔ n’hakili la teliya la wa?
Yala hakilina kolonw bɛ ne la ka ɲɛsin siya wɛrɛ mɔgɔw ma walima jamana wɛrɛ mɔgɔw ma wa?
Yala kɔsa in na, ne kumana cogo bɛnbali la mɔgɔ dɔ fɛ wa, walima ne dɛsɛra ka n’yɛrɛ minɛ fo ne ye n’ka dimin jira wa?