Lɛtɛrɛ misali

• I yɛrɛ ka ladɛrɛsi sɛbɛn lɛtɛrɛ kan. Ni i hakili la ko farati b’a la ka i yɛrɛ ka ladɛrɛsi sɛbɛn, i bɛ se ka Masaya So ladɛrɛsi sɛbɛn ni diinɛ maakɔrɔw ye o kɛli yamaruya di i ma. Nka i mankan ka tɔn bolofara ka ladɛrɛsi di ABADA i ka lɛtɛrɛ kan.

• I bɛna lɛtɛrɛ ci min ma, ni i bɛ o tigi tɔgɔ dɔn, o sɛbɛn. O b’a to a kana kɛ a tigi kɔnɔ ko lɛtɛrɛ in ye jagokɛlaw ka piblisite dɔ ye.

• I janto daɲɛw sɛbɛncogo ɲuman na ani kan sɛbɛncogo sariyaw bɛɛ la. O lɛtɛrɛ yecogo ka kan ka ɲɛ kosɛbɛ, a manka ka kɛ fɛn piriparalen ye. Ni a sɛbɛnna bolo la, a kalanni ka kan ka nɔgɔnya. O lɛtɛrɛ kɔnɔkumaw mankan ka kɛ iko i n’a tigi delilen don kosɛbɛ walima k’a kɛ iko i bɛ ka kuma mɔgɔba dɔ de fɛ.

Fɛn minnu fɔra lɛtɛrɛ misali in kɔnɔ, olu bɛ lɛtɛrɛ sɛbɛncogo de jira i la. Nka o kɔrɔ tɛ ko i ka kan ka to ka segin lɛtɛrɛ misali in kumaw yɛrɛyɛrɛ de kan tuma bɛɛ ni i bɛ lɛtɛrɛ ci mɔgɔ dɔ ma aw ka waajulikɛyɔrɔ la. I ka lɛtɛrɛ sɛbɛn ka kɛɲɛ ni nin fɛn ninnu ye: Kun min na i bɛ ka lɛtɛrɛ sɛbɛn, aw ka yɔrɔ kow cogoyaw ani a laadaw.