An ka an seko bɛɛ kɛ forobaara la—An kɛtɔ ka mɔgɔw dɛmɛ minnu labɛnnen bɛ walasa ka kɛ kalandenw ye

MUN NA O NAFA KA BON: Hakilina min ka kan ka kɛ mɔgɔ la walasa a ka “ɲɛnamaya banbali” sɔrɔ, o hakilina bɛ mɔgɔ minnu na, Jehova bɛ tiɲɛ kisɛw falen o mɔgɔw dusukun na. (Kɛwalew 13:48; 1 Kɔrɛntekaw 3:7) An bɛ baara kɛ ni Jehova ye an kɛtɔ ka an ka cɛsiriw sinsin mɔgɔw waajuli la minnu bɛ sɔn ka u ka fɛn kalanta waleya. (1 Kɔrɛntekaw 9:26) Bibulukalandenw mago b’a la k’a faamu ko krecɛn batɛmu tali nafa ka bon kisili sɔrɔli la. (1 Piɛrɛ 3:21) An bɛ u dɛmɛ u ka kɛ kalandenw ye an kɛtɔ ka u kalan u ka yɛlɛmaw kɛ u ka ɲɛnamaya kɔnɔ, ka waajuli kɛ, ka mɔgɔw kalan ani ka u ka ɲɛnamaya di Jehova ma.—Matiyu 28:19, 20.

AN BƐ SE KA O KƐ COGO MIN NA:

• Bibulukalandenw hakili jigin ko u ka Bibulukalan kun ye ka u dɛmɛ u ka Jehova “dɔn” ani ka u kodiya a ye.—Yuhana 17:3

• U dɛmɛ u ka ɲɛtaa kɛ alako ta fan fɛ u kɛtɔ ka se sɔrɔ gɛlɛyaw kan, i n’a fɔ delinako juguw ani sigasiga bɛ jɛɲɔgɔnya min na

• U ja gɛlɛya ka u laadi sani u ka batɛmu ta ani u ka batɛmu kɔfɛ.—Kɛwalew 14:22

WIDEYO MIN TƆGƆ YE KO JÉHOVAH T’AIDERA (o kɔrɔ ye ko: Jehova Ala na i dɛmɛ) O JIRA, O KƆ AW KA NIN ƝININKALI NINNU JAABI:

• Siranɲɛ jumɛnw de bɛ se ka to mɔgɔ dɔ tɛ sɔn k’a yɛrɛbakun di ani ka batɛmu ta?

• Diinɛ maakɔrɔw bɛ se ka Bibulukalandenw dɛmɛ cogo di u ka ɲɛtaa kɛ alako ta fan fɛ

• Esayi 41:10 bɛ an kalan mun de la Jehova ko la?

• Jogo jumɛnw de bɛna a to an ka se ka Jehova bato cogo bɛnnen na, hali ni an ye mɔgɔ dafabaliw ye?