AN KA ƝƐNAMAYA KƐ IKO KRECƐNW
Tuma jumɛn na ne bɛ se ka kɛ tutigɛbaga farankan ye tuguni?
Ezekiɛl ye yeli fɛn min ye Alabatosoba ko la, o b’a jira ko Jehova ka mɔgɔw bɛna a bɔ u yɛrɛ la ka u yɛrɛ di. An bɛɛ kelen kelen bɛ se ka an sen don tanuli sarakaw kɛli la cogo di?—Heburuw 13:15, 16.
O kɛcogo bɛɛ la ɲuman dɔ ye ka kɛ tutigɛbaga farankan ye. San 2018 san baara kɔnɔna na, kalo caman bɛ yen sibiri duuru wala kari duuru bɛ sɔrɔ minnu kɔnɔ. O ko ye dɛmɛ kɛrɛnkɛrɛnnen ye ka ɲɛsin mɔgɔw ma minnu bɛ baara kɛ u yɛrɛ ye dɔgɔkun bɛɛ kɔnɔna na ani ni olu bɛ u sen don tuma caman na waajulibaara la dɔgɔkun laban de la. Ka fara o kan, weleweledalaw bɛ se k’a sugandi ka lɛrɛ 30 walima lɛrɛ 50 kɛ Marisikalo ni Awirilikalo la ani u bɛ se ka o kɛ kalo min na kafo lakɔlɔsibaga bɛna bɔ an ye.
Ni an ka ko kɛcogoyaw tɛ a to an ka kɛ tutigɛbaga farankanw ye dun? O bɛɛ n’a ta, an bɛ se ka dɔ fara an ka cidenyabaara kɛcogo ɲuman kan, laala yɛrɛ ka dɔ fara a kɛwaati kan ka taa. An ka ko kɛcogoyaw mana kɛ fɛn o fɛn ye, Jehova ka kanuya k’a to an ka an seko bɛɛ kɛ a ka baara la san 2018 san baara kɔnɔna na!—Ose 14:2.
Ne bɛ se ka Sabina Hernández ka cɛsiri ladege cogo di?
WIDEYO MIN TƆGƆ YE KO GRÂCE À JÉHOVAH, JE PEUX PRESQUE TOUT FAIRE, O JIRA, O KƆ AW YE NIN ƝININKALI NINNU JAABI:
Mun ye Sabina bila ka caman kɛ Jehova ka baara la?
Sabina ka misali bɛ dusu don e kɔnɔ cogo di?
San 2018 san baara kɔnɔna na, e bɛ se ka kɛ tutigɛbaga farankan ye kalo (walima kalow) jumɛn kɔnɔ?