Kɛcogo ɲuman, k’an to du ni du waajuli la

Krecɛnw ye “filɛli fɛnw ye diɲɛ bɛɛ ɲɛ kɔrɔ” (1 Kɔrɛntekaw 4:9) O de kama, a mankan ka bali an na ni an barokɛɲɔgɔn dɔw bɛ an filɛ u ka finɛtiriw fɛ walima ka an lamɛn ka u to u ka konw kɔfɛ. Kamera min bɛ mɔgɔ lakana ani micro, olu bɛ se ka kɛ dɔw ka so yɛrɛ, ni olu b’a to u bɛ se ka an ye, ka an lamɛn, ani ka an kanta. Cogoya dɔw filɛ nin ye minnu b’a jira cogo min na an bɛ se ka kɛcogo ɲuman to an na du ni du waajuli la.—2 Kɔrɛntekaw 6:3.

AN TAAMA COGO FƐ (Filipekaw 1:27):

• An ka bonya da an barokɛɲɔgɔn bolofɛnw kan, an kana a ka so kɔnɔna filɛ k’a dama tɛmɛn. An kana dumuni kɛ, ka ji min, ka telefoni ci walima ka mesazi ci ka an to mɔgɔw ka da la

AN KA KUMAW FƐ (Efesekaw 4:29):

• Ni an bɛ mɔgɔw ka da la, an kana fɛn fɔ, an t’a fɛ an barokɛɲɔgɔnw ka min mɛn. A ka di weleweledala dɔw ye yɛrɛ ka baro jɔ fɔlɔ walasa u bɛna min fɔ du kɔnɔ, u ka u hakina kɛ kelen ye o ko kan

E bɛ se ka kɛcogo ɲuman wɛrɛ jumɛnw de kɛ ka i to du ni du waajuli la?