ALA KA KUMA NAFOLOMAFƐNW | JEREMI 51-52
Jehova ka Kuma fɔlen kelen kelen bɛɛ dafara
Jehova ye ko nataw fɔ k’u pereperelatigɛ
Perse Masakɛ ka kalabonna dɔ min bɛ a kɔlɔsi
“Aw ka biɲɛw nun bɔ”
51:11, 28
Medikaw ni Persekaw tun ye kalabonna ɲumanw ye wa u ka kɛlɛkɛ minɛn kɛrɛnkɛrɛnnen tun ye kala de ye. U tun bɛ u ka biɲɛw nun bɔ walasa u ka se ka sɔgɔli kɛ ka ɲɛ
“Babilonɛ kɛlɛkɛ cɛw ye kɛlɛ dabila”
51:30
Nabonide ka tariku sɛbɛn b’a fɔ ko: “Sirus ka kɛlɛkɛ cɛw donna Babilonɛ ka sɔrɔ u ma kɛlɛ kɛ.” O kɔrɔ ye ko u ma kɛlɛba kɛ ani o ko kɛli ye Jeremi ka kirayakuma sɛmɛntiya
Nabonide ka tariku sɛbɛn
‘Babilonɛ na kɛ tomon ye ani mɔgɔ si wala bagan si tɛna to o yɔrɔ la tun’
51:37, 62
San 539 K.Ɲ., daminɛ na, Babilonɛ nɔɔrɔ daminɛna ka bɔ a la. Mɔgɔba Alɛkisandre sago tun ye ka Babilonɛ kɛ a ka faaba ye, nka a sara yɔrɔnin kelen sani a k’o kɛ. Krecɛnya daminɛ waati la, Yahutu kulu min tun sigilen bɛ yen halisa olu kama ciden Piɛrɛ taara bɔ Babilonɛ. Nka an san kɛmɛ naaninan waati la K.L., dugu kɛra tomon ye, ani k’a laban ka kɛ iko dugu ma kɛ yen