AN KA ƝƐNAMAYA KƐ IKO KRECƐNW
Krecɛn min ye waajulibaara jɔ, an bɛ se ka dusu don o kɔnɔ
Taratadon, Awirilikalo tile 11 don, krecɛn minnu ye waajulibaara jɔ olu caman bɛna na hakilijigin seli la. U tun ye ɲɛnamaya boli daminɛ, nka o boli in sumayara kun caman kosɔn, o kun dɔw ɲɛfɔlen bɛ Reviens à Jéhovah gafenin kɔnɔ. (Heburuw 12:1) O n’a ta bɛɛ, mɔgɔ minnu ye waajulibaara jɔ olu ko ka bon Jehova bolo kosɛbɛ, ale min ye u san ni a Denkɛ joli ye (Kɛwalew 20:28, MN; 1 Piɛrɛ 1:18, 19) An bɛ se ka u dɛmɛ cogo di u ka kɔsegin jɛkulu kɔnɔ?
Jɛkulu diinɛ maakɔrɔw ka kan ka krecɛnw ɲini minnu ye waajulibaara jɔ i n’a fɔ sagagɛnna timinandiyalen bɛ saga ɲini min mabɔra a ka sagakulu tɔw la cogo min na. (Luka 15:4-7) O b’a jira Jehova bɛ a janto mɔgɔw la ni kanuya ye cogo min na. (Jeremi 23:3, 4) Diinɛ maakɔrɔw dɔrɔn tɛ, an bɛɛ lajɛlen bɛ se ka dusu don o mɔgɔ suguw kɔnɔ. An bɛ cɛsiri minnu kɛ walasa ka ɲumanya ni hinɛ jira, olu ko ka di Jehova ye wa an bɛ se ka duba sɔrɔ olu sababu la. (Ntalenw 19:17; Kɛwalew 20:35) O kama, i hakili jagabɔ k’a lajɛ i bɛ se ka dusu don mɔgɔ minnu kɔnɔ ani kana bila ka suma kɛ o kɛli la!
WIDEYO MIN TƆGƆ YE KO ENCOURAGER LES INACTIFS O JIRA, O KƆ AW YE NIN ƝININKALI NINNU SƐGƐSƐGƐ:
Abbey y’a bɔ a yɛrɛ la ka mun de kɛ tuma min na a ni Jehova Seere dɔ bɛnna a tun tɛ min dɔn?
Ni a bɛ an hakili la ka mɔgɔ dɔ dɛmɛ min ye waajulibaara jɔ, mun na an ka kan ka taa o ɲɛfɔ diinɛ maakɔrɔw ye?
Abbey ye a labɛn cogo di a siɲɛ filanan la walasa ka taa bɔ Laura ye?
Abbey ye timinandiya, muɲu, ani kanuya jira cogo di tuma min na a bɛ k’a ɲini ka dusu don Laura kɔnɔ?
An bɛ kalansira jumɛn sɔrɔ ka bɔ Yesu ka ɲɛjirali la, min bɛ Luka 15:8-10 kɔnɔ?
Cɛsiri minnu kɛra walasa ka Laura dɛmɛ o nafa kɛra jumɛnw ye?