Sɔn-ni-sɔn gafeninw jiracogo
The Watchtower 1er déc.
“Yala i y’a kɔlɔsi ko saniya ye min ye mɔgɔ dɔ bolo, o tɛ kelen ye mɔgɔ wɛrɛ bolo wa? [Jaabi makɔnɔ.] Kun minnu na saniya nafa ka bon, o dɔ la kelen filɛ. [1Piɛrɛ 1:16 kalan.] Nin barokun bɛ hakilila nafama dɔw di walisa ka to saniya la.” Barokun min bɛ ɲɛ 9 nan daminɛ na, o jira.
Awake! Déc.
“San o san nin waati la, mɔgɔ caman b’a ɲini ka bonya da Yesu kan. Ka kɛɲɛ ni nin tɛmɛsira ye, e fɛ walisa ka bonya da Yesu kan, a cogo bɛɛ la ɲuman ye jumɛn ye? [Yuhana 14:15 kalan. Jaabi makɔnɔ.] Yesu wolodon yɛrɛ-yɛrɛ ma dɔn, wa, a bɛ se ka bala i la ka mɛn munna Desanburukalo tile 25 tara ka kɛ Kretiɛnw ka don ye.” Barokun min bɛ ɲɛ 10 nan daminɛ na, o jira.
The Watchtower 1er janv.
“Bi, mɔgɔ miliyɔn caman bɛ u ka ɲɛnamaya kɛ ka u to suw ɲɛsiranyɛ kɔnɔ, bawo u ka diinɛw y’a fɔ u ye ko ni mɔgɔ sara, a farikolo bɛ sa nka a ni tɛ sa. O bɛ taa hakilimaaw ka yɔrɔ la. E fɛ, yala i somɔgɔw walima i bɛnba minnu sara, olu bɛ cogo la tiɲɛ na min b’a to an ka kan ka siran u ɲɛ ani ka u bato wa? [Jaabi makɔnɔ. O kɔfɛ, Zaburuw 104:29, 30 kalan.] Ala ka kuma yɛrɛ bɛ min fɔ saya ko la, nin barokun bɛ o ɲɛfɔ.” Barokun min bɛ ɲɛ 11 nan daminɛ na, o jira.
Awake! Janv.
“Diɲɛ kɔw ni a dalaba caman bɛ ka ja. Mɔgɔ miliyɔn caman fana tɛ se ka ji saniyalen sɔrɔ ka min. E fɛ, yala mɔgɔ bɛ se ka o gɛlɛya ɲɛnabɔ cogo mɛnta la wa? [Jaabi makɔnɔ. O kɔfɛ, Jeremi 10:23 kalan.] Nin barokun bɛ kuma o ko ɲɛnabɔcogo bɛɛ la ɲuman kan i ko a ɲɛfɔlen bɛ cogo min na Ala ka kuma kɔnɔ.”