Yala i bɛ baara kɛ ni Comment raisonner gafe ye wa?
1. Ciden Paul ni Yesu ye mɔgɔw kalan cogo jumɛn na?
1 Ciden Paul tun b’a cɛsiri ka ‘kuma mɔgɔw fɛ kitabu kɔnɔ kumaw la.’ (Kɛw. 17:2, 3; 18:19) O cogo fɛ, a tun bɛ Yesu ladege, ale min tun bɛ Sɛbɛnniw kofɔ tuma bɛɛ ani ka kuma ntalenw na walisa k’a lamɛnbagaw dɛmɛ u ka Ala sagonata faamu. (Mat. 12:1-12) Comment raisonner à partir des Écritures gafe dilanna walisa k’an dɛmɛ k’o ɲɔgɔn kɛ.
2. An bɛ se ka baara kɛ ni Comment raisonner gafe ye cogo jumɛn na walisa ka kuma daminɛcogo nafamaw labɛn?
2 An ka kuma daminɛcogo nafamaw labɛn: Kuma daminɛcogo minnu bɛ se ka mɔgɔw bila ka nafa don i ka kumaw na, olu bɛ Comment raisonner à partir des Écritures gafe ɲɛw 9-15 nan na. N’an bɛ kuma daminɛcogo caman dege ani ka baara kɛ ni olu ye, kɛrɛnkɛrɛnnenya la ni an bɛ an ka waajulikɛyɔrɔ baara tuma caman na, o b’a to an ka kuma daminɛcogo bɛ caya ka taa a fɛ. N’an bɛ barow daminɛ mɔgɔw fɛ tuma min na, o b’an dɛmɛ fana ka an ka kuma daminɛcogo yɛlɛma-yɛlɛma ani ka nɔ bɔ fana. N’an bɛ ka waajuli kɛ telefɔni fɛ walima n’an bɛ ka kuma intɛrfɔni fɛ sankaso lakananenbaw la, an bɛ se ka sin ka kuma daminɛcogow kalan Comment raisonner gafe kɔnɔ.
3. Mun bɛ sɔrɔ Comment raisonner gafe ɲɛw 21-24 nan na, n’o bɛna an dɛmɛ an ka cidenyabaara la?
3 Kuma kɔkarikumaw jaabi cogo ɲuman: Mɔgɔw bɛ se ka kuma kɔkarikuma minnu fɔ waajulikɛyɔrɔ la, sani an ka taa waajuli kɛ, an bɛ se ka miniti damadɔw ta ka olu jaabiw lajɛ minnu bɛ Comment raisonner gafe ɲɛw 16-21 nan na. Yala i barokɛɲɔgɔn bɛ se ka kɛ Budadiinɛ, Hindudiinɛ, Yahutudiinɛ walima silamɛdiinɛ kɔnɔmɔgɔ dɔw ye wa? Ni o don, kunnafoni minnu bɛ Comment raisonner gafe ɲɛw 21-24 nan na, olu bɛ se k’i dɛmɛ.
4. An bɛ se ka baara kɛ cogo jumɛn na ni Comment raisonner gafe ye ni ɲininkali walima sɔsɔlikuma fɔra?
4 Ɲininkaliw jaabi: Comment raisonner gafe bɛ se k’an dɛmɛ fana ni ɲininkali walima ni sɔsɔlikuma fɔra. I bɛ se k’a fɔ o tigi ye ko i b’a fɛ ka fɛn nafama dɔ jira a la min bɛ kuma a ka ɲininkali kan, ani i k’i ka Comment raisonner gafe ta. Ikomi barokunw ɲɛfɔlen bɛ cogo la min bɛ daminɛ ni sigini sigiden fɔlɔ ye ka taa a fɛ, i mago bɛ kunnafoni min na, e fɛ, o bɛ se ka sɔrɔ yɔrɔ min na, i ka gafe dayɛlɛ o yɔrɔ la. Ɲininkali minnu bɛ sɛbɛnni kunbaba finmanw na, i k’i teliya k’olu lajɛ. I bɛ min ɲinina, n’i ma o ye joona, i ka gafe yɔrɔ lajɛ min tɔgɔ ye ko Index. I bɛ min ɲinina, n’i ye o ye dɔrɔn, i ka sin k’o kalan Comment raisonner gafe kɔnɔ. N’i bɛ ka kuma Bibulu tɛmɛsira kɛrɛnkɛrɛnnen dɔ kan, n’i mago bɛ kunnafoni na o kan, i bɛ se k’o kunnafoni sɔrɔ yɔrɔ min na, o jiralen bɛ gafe ɲɛ 445 la, yɔrɔ la min tɔgɔ ye ko: “Textes bibliques souvent mal compris,” n’o ye ko Bibulu tɛmɛsira minnu tɛ faamu tuma caman na.
5. Baara nafama wɛrɛ minnu bɛ kɛ ni Comment raisonner gafe ye, olu dɔw ye jumɛnw ye?
5 Baara wɛrɛ minnu bɛ kɛ ni gafe ye: Dɔw bɛ Comment raisonner gafe to u ka baarakɛyɔrɔ la walima u ka lakɔliso la walisa k’u dɛmɛ ka ɲininkali jaabi i n’a fɔ: ‘Munna aw tɛ seliw kɛ?’ Denmisɛnw ye kunnafoniw sɔrɔ dakunw kɔnɔ minnu tɔgɔ ye ko “Création” (Dali) ani “Évolution” (Yɛrɛma-yɛrɛmali) walisa k’u ka lakɔli baaraw labɛn. Yala i bɛna taa bɔ mɔgɔ dɔ ye min man kɛnɛ walima min ka mɔgɔ banna wa? Yɔrɔ min tɔgɔ ye ko “Encouragement”, o bɛ se k’i dɛmɛ ka mɔgɔw dusu saalo ni Bibulu ye. Kunnafoni nafamaw fana bɛ sɔrɔ Comment raisonner gafe kɔnɔ walisa ka jɛmuw labɛn ani ka forobaara lajɛw ɲɛminɛ.
6. An kuntilenna ye mun ye n’an bɛ ka waajuli kɛ?
6 N’an bɛ waajuli kɛ, an kuntilenna tɛ ka kuma da to mɔgɔw la walima ka kunnafoni dɔrɔn di u ma. An b’a fɛ k’an hakili jakabɔ koɲuman Sɛbɛnniw kan. Ikomi an bɛ baara ɲuman kɛ ni Comment raisonner gafe ye, an b’a jira ko an b’an janto an ka mɔgɔ kalancogo la.—1 Tim. 4:16.