Don kɛrɛnkɛrɛnnen sugandilen Bibulukalanw kofɔli kama
1 K’a daminɛ Zanwuyekalo la, jɛkulu kelen-kelen bɛɛ bɛna dɔgɔkun laban kelen sugandi kalo kɔnɔ, laala kalo dɔgɔkun fɔlɔ, walisa k’an ka baara sinsin Bibulukalan kofɔli kan mɔgɔw ye. O don bɛ se ka kɛ sibiri walima kari ye ka kɛɲɛ ni don ye min ka ɲi kosɛbɛ jɛkulu bolo. O don na, ni weleweledala barokɛɲɔgɔnw ma sɔn Bibulukalan ma, weleweledalaw bɛ se halisa ka Qu’enseigne réellement la Bible? gafe walima ka sɔn-ni-sɔn gafenin labanw to u bolo. Maakɔrɔw ani cidenyabaara magannaw bɛɛ ka kan ka fɛɛrɛw tigɛ walisa u k’u seko damajira kɛ o baara la ani ka weleweledalaw dɛmɛ ka Bibulukalanw daminɛ.
2 Don min bɛna bila dɔgɔkun laban kɔnɔ o Bibulukalanw kofɔli kama mɔgɔw ye, jɛkulu ka baara komite bɛna o sugandi. Waati ni waati, hakilijigin kumaw ka kan ka fɔ walisa weleweledalaw ka se k’u labɛn ani k’u cɛsiri kɛrɛnkɛrɛnnenya la ka Bibulukalanw kofɔ du-ni-du ani n’u seginna ka taa bɔ mɔgɔw ye, mɔgɔ minnu y’a jira ko kibaru duman ka di u ye.
3 An bɛ se k’an labɛn cogo min na: An bɛ se ka hakililaw sɔrɔ Bibulukalanw daminɛ cogo kan san 2006 Zanwuyekalo An ka Masaya Cidenyabaara farankan kɔnɔ ani Comment raisonner gafe ɲɛ 12 nan na. Dɔw bɛ se ka sugandi ka baara kɛ ni sɛbɛndennin dɔ ye, i ko: I b’a fɛ ka jaabiw sɔrɔ wa? San 2007 Utikalo An ka Masaya Cidenyabaara ɲɛ 3 nan fana bɛ hakililaw di Bibulukalanw daminɛ cogo kan, n’an seginna tuma min na ka taa bɔ mɔgɔw ye minnu sɔnna sɔn-ni-sɔn gafeninw na. Maakɔrɔw ni cidenyabaara magannaw bɛna a boloda ka forobaara lajɛ ɲɛminɛ miniti 10 ka na miniti 15 ɲɔgɔn na. O kɔnɔna na, baro ka kan ka kɛ hakilila nafama kelen walima fila kan Bibulukalanw daminɛ cogo kan walima ɲɛjirali bɛ kɛ o kan.
4 A jɛlen don ko mɔgɔ bɛɛ tɛna sɔn Bibulukalan ma walima ka o kalan kɛ ka taa a fɛ waati jan kɔnɔ. O ko man kan k’an bali ka Bibulukalanw kofɔ mɔgɔw ye, bawo Jehowa de bɛ mɔgɔw sama ka na a ka jɛkuluba kɔnɔ, mɔgɔ minnu majiginnen don ani minnu bɛ sɔn ka Ala kan minɛ. (Yuh. 6:44) An ka baara tɛ dɔrɔn ka tiɲɛ kisɛw dan. Nka an ka kan ka dugukolo baara, ani kisɛ minnu ye dili don ka olu sɔn, wa, ka Bibulukalan kɛ ni mɔgɔ dusukun jɛlenw ye o sen bɛ o la fana. N’an bɛ o kɛ, an bɛ bonya sɔrɔ ka kɛ Ala baarakɛɲɔgɔnw ye.-1 Kɔr. 3:9.