I yɛrɛ ka Bibulu kalan ani denbaya ka Bibulu kalan nafa ka bon kosɛbɛ
1. Ɲɛmɔgɔ kulu b’a janto kɛrɛnkɛrɛnneya la an na bi cogo jumɛn na ani munna?
1 I ko san kɛmɛ fɔlɔ la, Ɲɛmɔgɔ kulu b’a janto kosɛbɛ Jehowa ka jamakulu ka hɛrɛ la. (Kɛw. 15:6, 28) Ikomi tɔɔrɔba surunyara, a nafa ka bon kosɛbɛ Masaya weleweledala kelen-kelen bɛɛ ka a yɛrɛ ni Jehowa cɛsira kologɛlɛya. Aw tun bɛ waati min kɛ fɔlɔ la jɛkulu ka gafe kalan na, aw bɛna o waati kɛ cogo di sisan? An bɛɛ k’a ɲini ka o waati kɛ denbaya ka Alabato kama. O waati kɔnɔna na, n’an bɛ Ala ka Kuma kalan ɲɛmajɔ la, ka nafa sɔrɔ a ka kalansiraw la, o bɛn’a kɛ hakilitigiya ye.—Zab. 1:1-3; Rom. 11:33, 34.
2. An bɛ se ka an yɛrɛ ka denbaya ka sufɛ Alabato kalan labɛn cogo jumɛn na?
2 Denbaya ka sufɛ Alabato: Jehowa ɲɛkɔrɔ, dutigiw jɔyɔrɔ ye ka ko bɛɛ kɛ walisa ka da a la ko u ka duw kɔnɔ, u bɛ denbaya ka Bibulu kalan kɛ tuma bɛɛ ani cogo ɲɛnama na. (Dut. 6:6, 7) Balimakɛw ni balimamuso minnu kelen don, ni denbaya ka doni tɛ u kunna, olu bɛna se ka o waati ta u yɛrɛw ka Bibulu kalan ni ɲinini kama. A nafa ka bon an bɛɛ bolo ka ‘waati kunmabɔ’ kalan ani taasili kama walisa cɛsira min bɛ an ni Jehowa cɛ, an ka se k’o kologɛlɛyalen to nin ‘don juguw’ la.-Efɛ. 5:15, 16.
3, 4. An bɛ se ka fɛn minnu kalan, hakilila jumɛn dira olu ko la? Ani an ka kan ka mun to an hakili la?
3 Mun bɛ kalan: Publications Watch Tower Index walima Watchtower Library sur CD-ROM bɛ se k’i dɛmɛ ka kunnafoniw sɔrɔ minnu bɛn’a to i ka denbaya bɛ nisɔndiya sɔrɔ Bibulu kalan bɛ kɛ tuma min na. Barokun minnu bɛ to ka sɔrɔ La Tour de Garde kɔnɔ, i n’a fɔ “ Clés du bonheur familial, ” “ Enseignez vos enfants ” ani “ Pour nos jeunes lecteurs ”, denbaya kɔnɔmɔgɔw bɛ se ka o barokunw lajɛ. Réveillez-vous ! kɔnɔ, barokun min ɲɛsinnen bɛ denmisɛnw ma, n’o tɔgɔ ye ko“ Les jeunes s’interrogent. . . ”, u bɛ se ka o lajɛ. Ala ye fɛn dakabana minnu da, o barokunw ka di mɔgɔw ye kosɛbɛ fana. Denbaya kɔnɔmɔgɔw bɛ se ka olu lajɛ fana Réveillez-vous ! kɔnɔ.
4 Ni denbaya kɔnɔmɔgɔw bɛɛ bɛ jɛn ka Bibulu kalan ɲɔgɔn fɛ k’a sɔrɔ o ma kɛ ni girin ye, o bɛna u kelen-kelen bɛɛ dɛmɛ u hakili ka to Ala ka sariyakolow la ani k’olu waleya u ka diɲɛlatigɛ kɔnɔ. (Heb. 4:12) Waati wɛrɛw la, jɛkuluba ye wideyo minnu bɔ, u bɛ se ka olu dɔ la kelen lajɛ ani ka baro kɛ o kan. Aw bɛna se ka fɛɛrɛ caman sɔrɔ walisa ka fɛn kalantaw ni u kalancogo sugandi. I ka denbaya kɔnɔmɔgɔw b’a fɛ ka min kalan ani u b’a fɛ k’o kalan cogo min na, i bɛ se ka u ɲininka o la.
5. Munna an yɛrɛ ka Bibulu kalan ani denbaya ka Bibulu kalan nafa ka bon kosɛbɛ bi an ka diɲɛlatigɛ kɔnɔ?
5 Munna a nafa ka bon sisan: N’an bɛ an ni Ala cɛsira kologɛlɛya, o bɛna an labɛn walisa an ka se ka “jɔ ka Jehova ka kisili ko filɛ.” (Eki. 14:13) Bangebagaw mago bɛ Ala ka dɛmɛ na walisa u ka se ka u denw lamɔ “mowolo tilenbali tulo gɛlɛn cɛma.” (Fil. 2:15) Ikomi mɔgɔ jogo bɛ tiɲɛna ka taa a fɛ bi lakɔlisow la, denmisɛnw mago bɛ dɛmɛ na walisa u ka se k’o kɛlɛ. (Nt. 22:3, 6) “Jurukisɛ saba melekelen ɲɔgɔn na” min bɛ furuɲɔgɔn fila ni Jehowa cɛ, u ka kan ka o kologɛlɛya. (Waaj. 4:12) O la sa, ikomi waati tɔ tɛ bɛrɛ ye tun, n’an bɛ sabati an ka “dannaya senumanba” ta sira fɛ o waati kɔnɔna na, o bɛn’a kɛ hakilitigiya ye.—Jude 20.