LadƆnniyaliw

Sɛbɛn jirataw Sɛtanburukalo la: Qu’enseigne réellement la Bible ? Cɛsiri kɛrɛnkɛrɛnnen ka kan ka kɛ Bibulukalanw daminɛni na ni mɔgɔw ye kabini siɲɛ fɔlɔ min na an bɛ taa bɔ u ye. N’o sɛbɛn bɛ an barokɛɲɔgɔnw bolo kaban, a jira u la, u bɛ se ka nafa sɔrɔ cogo min na o sɛbɛn na, Bibulu kalan ɲɛjirali fɛ. Ɔkutɔburukalo tile 1-19 la: La Tour de Garde ni Réveillez-vous ! gafeninw. Yɔrɔ minnu na mɔgɔw y’a jira ko kibaru duman ka di u ye, sɛbɛndennin jira u la min tɔgɔ ko I b’a fɛ ka dɔ fara i ka dɔnniya kan Bibulu ko la wa?, ka baro kɛ o kan, k’i kuntilenna kɛ Bibulu kalan daminɛni ye. Ɔkutɔburukalo tile 20 fo Nowanburukalo tile 16 la: Sɛbɛndennin tilatilali baara kɛrɛnkɛrɛnnen min tɔgɔ ye ko: I b’a fɛ ka jaabiw sɔrɔ wa? Nowanburukalo tile 17 fo 30 la: Qu’enseigne réellement la Bible (Bibulu bɛ mun de fɔ tigitigi?). Cɛsiri kɛrɛnkɛrɛnnen ka kan ka kɛ walisa ka Bibulukalanw daminɛ. Desanburukalo: Le plus grand homme de tous les temps. N’an barokɛɲɔgɔn ko den b’a bolo, Écoute le grand Enseignant gafe di a ma.

◼ Ikomi Sibiri duuru ni kari duuru de bɛ Nowanburukalo la, kalo ɲuman don walisa ka kɛ tutigɛbaga farankan ye.

◼ Jɛmu kɛrɛnkɛrɛnnen min bolodala ka kɛ hakilijigin waati la san 2009, o bɛna kɛ Awirilikalo tile 20 san 2009. Jɛmu kumakun bɛna fɔ kɔfɛ. Kafo lakɔlɔsibaga bɛna bɔ jɛkulu minnu ye o waati la, walima jɛkulu minnu ka kafo ka jamalajɛ bɛ kɛ o sibiri ni o kari, olu bɛna jɛmu kɛrɛnkɛrɛnnen kɛ dɔgɔkun min bɛ da o kan. Jɛkulu si man kan ka kɔn ka jɛmu kɛrɛnkɛrɛnnen kɛ sani Awirilikalo tile 20 ka se.

◼ Mɔgɔ min sugandira lakɔlɔsibaga-ɲɛmɔgɔ fɛ, o ka kan ka jɛkulu ka Zuwɛnkalo, Zuluyekalo ani Utikalo jatew sɛgɛsɛgɛ. O mɔgɔ kelen man kan ka sugandi bilen jate nataw kama. Ni o jate kɛra ka ban, jɛkulu ka kan ka ladɔnniya o la don min na jatebɔ sɛbɛn nata bɛ kalan.—Instructions pour la comptabilité des congrégations (S-27) lajɛ.

◼ Kafoba ka jamalajɛ tun ka kan ka kɛ waati min na Bamako (Mali la), n’o tun ye san 2009, Zanwuyekalo tile 2-4 ye, o yɛlɛmana ka kɛ Zanwuyekalo tile 3-4 ye. Aw ka kɔlɔsi ko ka fara bamanankan kalan bolodalen kan, o tile fila kalan bɛna kɛ tubabukan na fana. O bɛ jɛkulu minnu kun kan, olu bɛna kunnafoni wɛrɛw sɔrɔ o kan kɔfɛ.