Don kelen jamalajɛ kɛrɛnkɛrɛnnen kalan bolodalen kura

Don kelen jamalajɛ kɛrɛnkɛrɛnnen kalan bolodalen kura min ka kan ka kɛ san 2008 Sɛtanburukalo la fo ka taa bila san 2009 Utikalo la, o kumakun ye ko ‘Baara min kalifara aw ma, aw k’aw jan to o la ka o kɛ ka dafa.’ A sinsinnen bɛ Kolosekaw 4:17 kan. Ikomi an ye Kretiɛnw ye, an ka o laadilikan ta an sɛbɛ la. An kuntilenna ye ka an ka cidenyabaara kɛ ni kantigiya ye, i ko Yesu y’a kɛ cogo min na tigitigi. (Yuhana 17:14) Ciden Paul fana ye misali ɲuman jira an na o yɔrɔ la. A tun jɔlen b’a kan ka a ka cidenyabaara boli kɛ ka dafa.-Kɛw. 20:24.

Kafo lakɔlɔsibaga ka jɛmu bɛn’a jira weleweledala caman ye gɛlɛyaw kunnasagon cogo minnu na u ka cidenyabaara la. O kɔfɛ, jɛmu min tɔgɔ ye ko “ Cultivez ce que vous avez planté ” (Aw ye min turu, aw ka o sɛnɛ), o bɛna a jira, cogo min na an bɛ se ka mɔgɔw dɛmɛ tiɲɛ na, “mɔgɔ minnu labɛnnen don ɲɛnamaya banbali kama.” (Kɛw. 13:48) Jɛmukanfɔbaga min bɛna bɔ an ye, o bɛna fɔlɔ ka ɲɛfɔli kɛ 2 Kɔrɛntekaw 6:1-10 kan, tɛmɛsira ni tɛmɛsira, jɛmu kɔnɔ min tɔgɔ ye ko “ Comment nous nous recommandons comme ministres de Dieu ” (An b’an yɛrɛw jira Ala ka baarakɛlaw ye cogo min na.) Wuladafɛ, a bɛna jɛmukan min fɔ, o tɔgɔ ye ko “ Tenez votre ministère en haute estime ” (An ka cidenyabaara ko ka bonya an bolo kosɛbɛ). Jɛmu min tɔgɔ ye ko “ Jeunes et moins jeunes prennent plaisir au ministère ” (Denmisɛnw ni minnu tɛ denmisɛnw ye, olu bɛ nisɔndiya sɔrɔ cidenyabaara la) ani “ Des jeunes qui accomplissent leur ministère ” (Denmisɛn minnu bɛ u ka cidenyabaara kɛ), siga t’a la k’olu bɛna dusu don aw kɔnɔ. Mɔgɔ minnu b’a fɛ ka jira batɛmu fɛ ji la ko u y’u yɛrɛbakun di Ala ma kafo ka jamalajɛ la walima don kelen jamalajɛ kɛrɛnkɛrɛnnen nataw la, olu ka kan k’u ka lakɔlɔsibaga ɲɛmɔgɔ ladɔnniya joona n’o bɛ se ka kɛ. An ka jamalajɛw ani kafoba ka jamalajɛw kɔnɔko nafama dɔ ye La Tour de Garde sɛgɛsɛgɛli ye. Aw ye na ni La Tour de Garde ye min ka kan ka kalan don kelen jamalajɛ dɔgɔkun na.

An ye min kɛ an ka cidenyabaara la, n’an b’o lajɛ, an k’an jija walisa an yɛrɛ ka kow ani ko wɛrɛw kana an ka waati ta baaraw kan Jehowa ye minnu kalifa an ma. Sɛbɛnniw bɛ dusu don an kɔnɔ cogo min na, don kelen jamalajɛ kɛrɛnkɛrɛnnen kalan bolodalen kura bɛna o di an ma. O ka kan k’an dɛmɛ k’a dɔn an ka kan ka min kɛ walisa kuntilenna ka to an na min ɲɛsinnen bɛ fan ɲuman fɛ. Wa, an bɛ se k’an ka cidenyabaara kɛ cogo min na walisa k’o kɛ ka dafa, a ka kan k’an dɛmɛ ka miiri o fana na.