Sɔn-ni-sɔn gafeninw jiracogo
The Watchtower 1er mai
“Kasaara minnu bɛ tiɲɛniw kɛ dugukolo kan, olu bɛ ka caya minkɛ an ka waati la, o kosɔn mɔgɔ dɔw b’u yɛrɛ ɲininka n’a y’a sɔrɔ Ala de tɛ ka an ɲangi. E hakilila ye mun ye o ko la? [Jaabi makɔnɔ. O kɔfɛ 1 Yuhana 4:8 kalan.] Kasaara minnu bɛ tiɲɛniw kɛ dugukolo kan, n’olu bɛ kɛ sababu ye ka tɔɔrɔ lase mɔgɔw ma, Ala nɔ tɛ olu ye kun min na, nin barokun b’o ɲɛfɔ.” Barokun jira min bɛ ɲɛ 30 nan na.
Awake! Mai
“Bi, nafolotigiw ni mɔgɔba caman bɛ wariba de di jɛkuluw ma walisa ka diɲɛ gɛlɛyaw bɔ yen pewu, i n’a fɔ faantanya, bana walima kalanbaliya. E yɛrɛ fɛ, yala o dɛmɛ suguw bɛna se ka hadamadenw ka tɔɔrɔ ban pewu don dɔ wa? [Jaabi makɔnɔ.] Ala ka Kuma b’a jira munna o cɛsiri suguw bɛ se ka ko minnu ɲɛnabɔ, dan bɛ olu la. [Jenɛse 8:21 kalan.] Sɛbɛnni Senumaw ye layidu ta ko fɛn min ye hadamadenw ka tɔɔrɔ sababu ye, Ala bɛna a ɲɛsin o fɛn ma. Nin barokun b’o ɲɛfɔ.” Barokun jira min bɛ ɲɛ 19 nan daminɛ na.
The Watchtower 1er juin
“Maana minnu dɔnnen don kosɛbɛ Ala ka Kuma kɔnɔ, o dɔ ye Nuhun ni sanjiba maana ye. E yɛrɛ fɛ, yala Sanjiba nana tiɲɛ na wa? [Jaabi makɔnɔ.] A ka ɲi k’a dɔn ko Yesu yɛrɛ kumana o kan i n’a fɔ ko dɔ min kɛra tiɲɛ na. [Luka 17:26, 27 kalan.] Nin gafenin bɛ kunw di an ma walisa an ka da Sanjiba maana na. O maana b’an kalan fɛn nafama minnu na, a b’olu fana ɲɛfɔ.”
Awake! Juin
“A ma nɔgɔn ka den lamɔ, janko ni den bɛ bɔra denmisɛnya la ka don balikuya la, ani ni a bɛ ka yɛlɛmabaw dɔn. E yɛrɛ fɛ, bangebagaw bɛ se ka laadilikan sɔrɔ min, dannaya bɛ se ka da min kan? [Jaabi makɔnɔ. O kɔfɛ Esayi 48:17, 18 kalan.] Nin gafenin bɛ hakililaw di minnu bɛnnen bɛ bi walisa ka bangebagaw dɛmɛ u k’u ka baara kɛ ni hakilitigiya ani faamuyali ye.”