Sɔn-ni-sɔn gafeninw jiracogo
The Watchtower 15 Déc.
“Seliw waati la, mɔgɔ caman b’a ɲini ka ko ɲuman kɛ ani ka hinɛ u mɔgɔɲɔgɔnw na. E fɛ, yala diɲɛ tun bɛna kɛ yɔrɔ duman ye ni mɔgɔw tun bɛ hinɛ ɲɔgɔn na san kuuru bɛɛ la wa? [Jaabi makɔnɔ. O kɔfɛ, 1 Piɛrɛ 3:8 kalan.] Nafa min bɛ hinɛ na, ani hinɛ bɛ se k’a jira sira minnu fɛ, nin gafenin bɛ olu ɲɛfɔ.”
Awake! Déc.
“An ka mɔgɔ kanulen minnu banna, e fɛ yala olu bɛna segin ɲɛnamaya la kokura wa? [Jaabi makɔnɔ.] Sɛbɛnni Senumaw b’a fɔ ko saya bɛna ban pewu. [Zab. 68:21 kalan.] Nin gafenin b’a jira kun min na an man kan ka siran saya ɲɛ i n’a fɔ fɛn dɔ min bɛ dan bila an ka ɲɛnamaya la fo abada.”
The Watchtower 1er jan.
“Tuma dɔw la, an bɛɛ bɛ fɛn dɔw fɔ an bɛ tila ka nimisa minnu fɔli la, kɛrɛnkɛrɛnnenya la n’an bɛ ka kuma an ka sokɔnɔmɔgɔw fɛ. E fɛ, an bɛ se k’an kɔnɔnata fɔ cogo jumɛn na k’a sɔrɔ o ma digi mɔgɔ wɛrɛ la? [Jaabi makɔnɔ. O kɔfɛ, Ntalenw 15:28 kalan.] An bɛ kuma minnu fɔ, olu bɛ se ka an ka mɔgɔ kanulenw barika bonya cogo min na, nin gafenin b’o ɲɛfɔ.” [Barokun min bɛ ɲɛ 10nan daminɛ na, o jira.]
Awake! jan.
“Tariku kɔnɔna na, muso sɛgɛnna k’a sababu kɛ ɲɛnawoloma ani farinya ye. E fɛ, munna? [Jaabi makɔnɔ.] Cɛw ka kan k’u musow minɛ cogo min na, a lajɛ Ala ka Kuma bɛ ci min fɔ u ye o ko la. [1 Piɛrɛ 3:7 kalan.] Ala ni Krisita bɛ min miiri musow kan, nin gafenin b’i sinsin Sɛbɛnni senumaw kan k’o ɲɛfɔ an ye.”