Don kelen jamalajɛ kɛrɛnkɛrɛnnen kalan bolodalen kura

Don kelen jamalajɛ kɛrɛnkɛrɛnnen kalan bolodalen kura min bɛna daminɛ san 2007 Sɛtanburukalo la ka na bila san 2008 Utikalo la, o tɔgɔ ye ko “Nous sommes l’argile, Jéhovah est notre Potier” (An ye bɔgɔ ye, Jehowa ye an ka Dagadilanna ye). A sinsinnen bɛ Esayi 64:7 kan. Jamalajɛ kalanbolodalen sababu fɛ, an bɛna laadilikan sɔrɔ ka bɔ Sɛbɛnniw kɔnɔ, min bɛna an dɛmɛ ka nafa don kosɛbɛ Jehowa ka hakilitigiya, a ka tilennenya, a ka setigiya ni a ka kanuya la, ale min ye an ka Dagadilannaba ye.

Kafo lakɔlɔsibaga ka jɛmu min tɔgɔ ye ko “Soyons des vases pour un usage honorable dans le ministère,” (An ka kɛ minɛnw ye baara ɲuman kɛli kama cidenyabaara la) o bɛna a jira cogo min na mɔgɔ bɛ ka caya ka taa a fɛ, minnu bɛ ka dugawu caman sɔrɔ bawo u ye tiɲɛ dɔn, wa, u bɛ o fɔ mɔgɔ wɛrɛw ye. Ni an bɛ taasi cogo sɛbɛ la Jehowa ka sariyakolow la, o bɛ se k’an lakana cogo min na, jɛmu min tɔgɔ ye ko “La méditation vous préservera,” (Taasili bɛna aw lakana) bɛna o jira an na. Tɔn bolofara ye jɛmufɔbaga min ci ka na bɔ an ye, o bɛna jɛmuw kɛ minnu tɔgɔw ye ko “Ne nous conformons pas à ce systeme de choses-ci.” (An kana an ka ko kɛtaw kɛɲɛ ni nin diɲɛ ka ko kɛtaw ye) ani “Laissons nous façonner par le Grand Potier” (An ka an yɛrɛ to Dagadilannaba bolo a ka an dilan). Jɛmu minnu tɔgɔw ye ko: “Des jeunes utiles à Jéhovah” (Denmisɛn minnu jɔyɔrɔ ka bon kosɛbɛ Jehowa bolo) ani “Le rôle capital des parents dans le façonnage” (Bangebagaw jɔyɔrɔba baara kɛli la denmisɛnw na walisa k’u ɲɛ) bɛna dusu don bangebagaw ni denmisɛnw kɔnɔ. Ɲɛjiraliw ni ɲininkaliw fɛ, an balimakɛw ni an balimamusow bɛna a ɲɛfɔ u ye min kɛ u ka cidenyabaara kɔnɔna na. O la sa, an bɛna nisɔndiya sɔrɔ ka o kumaw mɛn ani ka o ko lajɛ koɲuman. Mɔgɔ minnu b’a fɛ k’a jira ji la batɛmu fɛ ko u ye u yɛrɛbakun di Jehowa ma, olu ka kan ka lakɔlɔsibaga ɲɛmɔgɔ ladɔnniya joona. La Tour de Garde min ka kan ka kɛ Don kelen jamalajɛ kɛrɛnkɛrɛnnen kalan bolodalen na, i ka sɛgɛsɛgɛ ko i nana ni o ye i bolo.

Dagadilannaba b’a fɛ ka fɛn o fɛn kɛ, a bɛ o kɛ. Nka, a b’a fɛ ka an kɛ cogo min na, ni an bɛna sɔn a ka an kɛ o cogo la, walima ni an tɛna sɔn o ma, an kelen-kelen bɛɛ de ka kan ka o latigɛ. Jehowa bɛ baara kɛ an na walisa ka an ɲɛ ka taa a fɛ. Mɔgɔ minnu bɛ sɔn o ma ni hakilitigiya ye, ka sɔn fana a ka sariyakolow ma, u bɛ i n’a fɔ bɔgɔkuru min bɛ dagadilanna ka baarakɛminɛn kɔnɔ. U bɛ yɛlɛma ka ɲɛ ka kɛ baarakɛminɛn nafamaw ye. Jehowa bɛ min fɔ an ye, ni an bɛ sɔn ka o kɛ, an bɛ tanuli lase a ka masabaya ma, wa an bɛ dugawu caman sɔrɔ.