An k’an hakili to nin fɛnw na kafoba ka jamalajɛ ko la:

◼ Kalan kɛwaatiw: Kalan bɛna daminɛ sɔgɔma 9:20, tile saba bɛɛ la. Jamalajɛ kɛyɔrɔ bɛna dayɛlɛ sɔgɔma 8:00. Walisa kalan ka se ka daminɛ ni bonya ye, an kelen-kelen bɛɛ ka kan ka an sigiyɔrɔ magɛn tuma min na Masaya fɔli bɛ daminɛ. Kalan bɛna kuncɛ wuladafɛ 5:05 Jumadon ni Sibiridon, ani 4:10 Karidon wuladafɛ.

◼ Mobilijɔyɔrɔ: Ikomi tuma caman na, mobilijɔyɔrɔ tɛ kɛnɛba kojugu ye, o kosɔn mɔgɔ caman ka kan ka jɛ ka na mobili kelen na, ni o bɛ se ka kɛ.

◼ Sigiyɔrɔ marali: Sigiyɔrɔ bɛ se ka mara mɔgɔ minnu dɔrɔn ye, o ye mɔgɔw ye minnu ni aw bɛ na ɲɔgɔn fɛ mobili kelen na, walima aw ni minnu bɛ so kelen kɔnɔ.

◼ Tilelafana: A ɲininen bɛ aw fɛ aw ka na ni aw ka tilelafana ye aw bolo, walisa aw kana bɔ jamalajɛ kɛyɔrɔ la ka taa dumuni ɲini kɛnɛma tilelafana duntuma na. Fɛn sumalen bɛ mara galasiyɛriw fitinin min kɔnɔ, ni o bɛ se ka bila sigilan jukɔrɔ, aw bɛ se ka na ni o ye. Aw ma kan ka na ni galasiyɛriw ye minnu dilanna denbayaba kama, walima ni wɛrɛmafɛnw ye walima ni dɔlɔmafɛnw ye, jamalajɛ kɛyɔrɔ la.

◼ Bolomafaraw: Wari caman de bɛ bɔ walisa ka se ka kafoba ka jamalajɛ labɛn. An bɛ se ka an ka waleɲumandɔn jira ni an b’a bɔ an yɛrɛ la ka bolomafaraw di diɲɛ mumɛ baara kama an ka Masaya so kɔnɔ, walima jamalajɛ kɛyɔrɔ la. Sɛki o sɛki bɛ di bolomafara ye jamalajɛ la, a ka kan ka sɛbɛn olu kan, ko u bɛ sara “Association Les Témoins de Jéhovah” ye.

◼ Kasaaraw ani kɔrɔtɔkow: Ni mɔgɔ dɔ nana bana jamalajɛ kɛnɛ kan fo ka na o kɛ ko ye min tɛ se ka bila ka sumaya, an b’a ɲini aw fɛ aw ka kuma balimakɛ fɛ min ka surun aw la, ni o bilalen bɛ mɔgɔ kunbɛn kama. O balimakɛ na o fɔ mɔgɔw ye minnu bɛ dɛmɛ kunfɔlɔ lase banabagatɔw ma. Banabagatɔ bɛ bangebagaw ni denbaya minnu bolo, olu de ka kan k’u hakili to a la ka na ni banabagatɔ ka furaw ye u bolo, walisa ni banabagatɔ mago bɛ a ka furaw la tuma min na, a ka se k’u ta i ko a sɛbɛnna a kun cogo min na.

◼ Filimuni ni kumakan tali: Ja ni kumakan bɛ ta ni masin sugu o sugu ye, olu si man kan ka don jamalajɛ kɛyɔrɔ kuran na, walima jamalajɛ kumakan tɛmɛsira si fɛ. Aw ka baara kɛ ni o mansinw ye cogo la min tɛna mɔgɔw hakili ta ka bɔ kalan kan.

◼ Foto tali: Ni aw bɛ ka foto ta kalan kɛtuma na, aw kana a to fototalan ka fotota yeelen bɔ.

◼ Pajɛriw ni Selilɛriw: O fɛnw ka kan ka regile ka bila cogo la min b’a to u tɛna kɛ sababu ye ka mɔgɔw hakili ta ka bɔ kalan kan.

◼ Veuillez suivre l’intérêt (S-43) sɛbɛnfura: Mɔgɔ o mɔgɔ y’a jira ko kibaru duman ka di a ye, k’a sababu kɛ an ka senfɛ seereya ye jamalajɛ kɛtuma na, an ka kan ka baara kɛ ni Veuillez suivre l’intérêt (S-43) sɛbɛnfura ye walisa ka kunnafoniw bɛɛ sɛbɛn o tigi ko la. Weleweledalaw ka kan ka na ni o sɛbɛnfura den kelen walima a den fila ye u bolo jamalajɛ la. A sɛbɛnfura dɔw bɛna sɔrɔ fana jamalajɛ sɛbɛnw sɔrɔyɔrɔ la. Ni aw ye sɛbɛnfura yɔrɔ bɛɛ lafa, aw bɛ se ka olu bila sɛbɛnw sɔrɔyɔrɔ la walisa a ka o ko ɲɛnabɔ, walima k’u di i ka jɛkulu sɛbɛnnikɛla ma ni i seginna ka na jɛkulu la.—San 2005 Feburuyekalo An ka Masaya Cidenyabaara, ɲ. 6nan lajɛ.

◼ Siyɔrɔko: Ni aw bɛ yɔrɔ o yɔrɔ la, aw ka hakili senu den jira aw kɛcogo fɛ ni mɔgɔ kelen-kelen bɛɛ ye o yɔrɔ la. Aw ka kɛ mɔgɔw ye minnu ka ɲi, minnu bɛ mɔgɔw fɛ, minnu bɛ bonya da mɔgɔ wɛrɛw kan. Ni aw jiginna mɔgɔw fɛ, aw k’aw sen don u ka baaraw ni u ka musakaw la nin o bɛ se ka kɛ. Don laban na, sani aw ka bɔ yen, aw ka so saniyalen ni a labɛnnen to.