Sɔn-ni-sɔn gafeninw jiracogo

The Watchtower Jan. 15

“E fɛ, mɔgɔ minnu furulen bɛ ɲɔgɔn ma, olu bɛ se ka laadilikan ɲumanw sɔrɔ min? [Jaabi makɔnɔ.] A lajɛ min ye furu sigibaga ye. [Jenɛse 2:22 kalan.] Furucɛ ni furumuso jɔyɔrɔ ye fɛn ye bonya ka kan ka da min kan, wa, Ala ye kunnafoniw di o ko kan. Nin gafenin bɛ kuma o de kan.”

Awake! Jan.

“A bɛ ka jɛnsɛn ka taa a fɛ bi, kamalenninw ni npogotigininw ka kɛ teriw ye fo u bɛ bɔ ɲɔgɔn fɛ. Wa, o bɛ ye hali denmisɛnninw fɛ minnu ka dɔgɔ. Yala i delila k’i yɛrɛ ɲininka o faratiw la wa? [Jaabi makɔnɔ. O kɔfɛ Galasikaw 6:7 kalan.] Kun ɲuman min ka kan ka kamalenw ni npogotigiw bila u ka bɔ ɲɔgɔn fɛ, nin barokun bɛ o ɲɛfɔ. Ni u y’a to fo u ka hakili sɔrɔ k’a sɔrɔ u ka bɔ ɲɔgɔn fɛ, nafaba min bɛ o la, barokun bɛ o fana ɲɛfɔ.” Barokun min bɛ ɲɛ 27nan daminɛ na, o jira.

The Watchtower Feb. 1

“E fɛ, yala an ka yɔrɔ sigili tun bɛna diya kosɛbɛ ni an kelen-kelen bɛɛ bɛ tugu nin kumaw kɔ wa? [Efesekaw 4:25 kalan, ka tila ka jaabi makɔnɔ.] Mɔgɔ caman bolo, a bɛnnen don ka nkalon tigɛ ko dɔw la. Nafa minnu b’a la ka tiɲɛ fɔ tuma bɛɛ, nin gafenin bɛ o ɲɛfɔ.”

Awake! Feb.

“Sitanɛ-Sendonbaga bɛ se ka fanga min sɔrɔ an miiricogo ni an ka kɛwalew kan, o ye fɛn ye baroba bɛ ka kɛ min kan, wa, mɔgɔw hakililaw tɛ kelen ye o ko kan. Yala i delila k’i yɛrɛ ɲininka an bɛ se ka min kɛ walisa k’an lakana a ka fanga ma wa? [Jaabi makɔnɔ. O kɔfɛ 1 Piɛrɛ 5:8, 9a kalan.] Nin barokun bɛ Sitanɛ ka fɛɛrɛw ɲɛfɔ an ye. An bɛ se ka min kɛ walisa k’an lakana o fɛɛrɛw ma, a b’o fana fɔ an ye.” Barokun jira min bɛ ɲɛ 12nan daminɛ na.