Sɔn-ni-sɔn gafeninw jiracogo
La Tour de Garde 15 déc.
“Mɛlɛkɛw ye min fɔ Yesu wololen, mɔgɔ caman bɛ miiri o la nin waati la. [Luka 2:14 kalan.] E fɛ, yala tiɲɛ na hɛrɛ bɛna sigi don dɔ dugukolo kan wa? [Jaabi makɔnɔ.] Yesu bɛna hɛrɛ lakika sigi sɔɔni cogo min na dugukolo kan, nin gafenin b’o ɲɛfɔ.”
Réveillez-vous ! Déc.
“Tuma caman na, nin waati la, mɔgɔ caman hakili bɛ jigin Yesu denyɛrɛninnama na baganw ka dumunikɛminɛn kɔnɔ. Yesu cira ka na dugukolo kan kun min na, yala i delila k’i yɛrɛ ɲininka o la wa? [Jaabi makɔnɔ.] E k’a lajɛ mɛlɛkɛ Gabriɛl ye min fɔ Yesu woloba Mariyama ye. [Luka 1:33 kalan, i ka tila k’a jira ko Yesu ka kan ka masaya kɛ fo abada.] Nin barokun b’a ɲɛfɔ mun na a nafa ka bon k’a faamu Yesu jɔyɔrɔ ye min ye Ala sagonata tiimɛni na ka ɲɛsin dugukolo ma.” Barokun min bɛ ɲɛ 4nan, o jira.
La Tour de Garde 1er janv.
“E fɛ, mɔgɔ ka ɲɛtaasɔrɔ, o bɛ dɔn a ka nafolo caya de fɛ wa? [Jaabi makɔnɔ. O kɔfɛ 1 Timote 6:9, 10 kalan.] Hali ni Ala ka Kuma t’a fɔ ko wari man ɲi, a b’a jira ko mɔgɔ ka ɲɛtaasɔrɔ tɛ bɔ a ka nafolo la. Nin gafenin bɛ o de ɲɛfɔ.”
Réveillez-vous ! Janv.
“E fɛ, yala don dɔ nin ko bɛna tiimɛ wa? [Esayi 33:24 kalan, i ka tila ka jaabi makɔnɔ.] Dɔnniya min sɔrɔla furakɛli koɲɛ la, ani layidu min bɛ Ala ka Kuma kɔnɔ, o bɛna tiimɛ cogo min na, nin gafenin bɛ olu ɲɛfɔ.”