San 2007 Ala-ka-marako Cidenyabaara Kalan Bolodalen

Baarakɛsiraw

San 2007 kɔnɔna na, Ala-ka-marako Cidenyabaara Kalan bɛna kɛ nin cogo la:

KALAN SUNW: Les Saintes Écritures -- Traduction du monde nouveau [bi 12]. La Tour de Garde [w], Tirer profit de l’École du ministère théocratique [be], Toute Écriture est inspirée de Dieu et utile ” (san 1990 bɔko) [si] ani Comment raisonner à partir des Écritures (san 1989 bɔko) [rs].

Kalan bɛ daminɛ ni dɔnkili, delili ni foli ye, KA BƐN A DAMINƐWAATI MA. Kalan bɛ sɔrɔ ka kɛ nin cogo la:

JƐMU KƐCOGO ƝUMAN: Sanga 5. Kalanso lakɔlɔsibaga, a kankɔrɔsigi, walima maakɔrɔ wɛrɛ min bɛ se a baara la, olu dɔ la kelen bɛna tali kɛ Tirer profit de l’École du ministère théocratique gafe kɔnɔ, walisa ka se ka jɛmu kɛcogo ɲuman ɲɛfɔ. (Maakɔrɔw bɛrɛ tɛ jɛkulu minnu na, maganna min bɛ se a baara la, o na sugandi a kama.)

KALANSEN FƆLƆ: Sanga 10. O ka kan ka di maakɔrɔ walima cidenyabaara maganna dɔ ma minnu bɛ se a baara la. O kalansen bɛ tali kɛ La Tour de Garde walima Tirer profit de l’École du ministère théocratique, walima  Toute Écriture est inspirée de Dieu et utile ” kɔnɔna na. KALANSEN FƆLƆ ka kan ka kɛ jɛmu ye min bɛ kɛ sanga 10 kɔnɔ. Barosun min dira, jɛmu kuntilenna ka kan ka kɛ min ye, o ye ka o barosun kɔnɔkow ɲɛfɔ, ka sinsin u nafamayɔrɔw kan, ko minnu bɛ se ka jɛkulu dɛmɛ kosɛbɛ, ka olu sɛmɛntiya. Jɛmu ka labɛn ka kɛnyɛ ni kumakun dilen ye. Nin kalan bɛ di balima minnu ma, olu k’u jan to a la kosɛbɛ, baro janya kana tɛmɛ waati dilen kan. Laadilikanw bɛ se ka di u ma kɛrɛ fɛ, n’o ka kan.

BIBULU KALAN NAFAMAYƆRƆW: Sanga 10. O sanga duuru fɔlɔ senfɛ, maakɔrɔ walima cidenyabaara maganna dɔ, minnu bɛ se a baara la, olu na yɔrɔ dɔw ta ka bɔ tɛmɛsiraw la minnu tun ka kan ka kalan, ka olu waleyacogoɲuman jira ka kɛnyɛ ni sigida magow ye, Tɛmɛsira fɛn o fɛn mana u diya dɔgɔkun Bibulu kalan kɔnɔna na, u na se ka kuma o kan. O man kan ka kɛ tɛmɛsira kalantaw bakurubafɔli dama ye. Nin jɛmu kuntilenna fɔlɔ ye ka lamɛnbagaw dɛmɛ u k’a faamu, mun kama ani cogo jumɛn na nafa bɛ hakilila dilenw na. Sanga duuru minnu labilala a ye o baara fɔlɔ kɛli kama, jɛmukɛla b’i jan to a la walisa a kana o tɛmɛ. A ka sanga duuru to lamɛnbagaw ye olu ka se ka u sen don baro la. A bɛ ɲini lamɛnbagaw fɛ u ka ɲɛfɔli surunw kɛ (ɲɛfɔliw janyalenba kana tɛmɛ sanga tilancɛ kan walima a kana o bɔ.) Ko minnu diyara u ye Bibulu kalan kɔnɔna na ani u ye nafa min sɔrɔ o kalan na, ɲɛfɔli ninnu ka kan ka sinsin olu de kan. O kɔ, kalanso lakɔlɔsibaga b’a ɲini kalanso fitininw kalandenw fɛ, u ka taa u ka kalansow kɔnɔ.

KALANSEN 2NAN: Sanga 4 walima min tɛ o bɔ. O ye kalanjɛ ye min ka kan ka kɛ balimakɛ dɔ fɛ. Kalan yɔrɔ min dira a ma ka kɛ, kalanden na o kalan, k’a sɔrɔ a ma dantigɛli walima kuncɛli kumaw fɔ. Kalanso lakɔlɔsibaga b’a cɛsiri ka kalandenw dɛmɛ, u ka se ka yɔrɔ kalanta faamu koɲuman, kalan kɛcogo ka nuguya u bolo, u ka u sinsin koɲuman daɲɛ kolomaw kan, ka se kumakan yɛlɛn cogo n’a jigin cogo la, k’u jɔ u jɔtuma na, ka kalanjɛ kɛ koɲuman fana iko barokuma kɛcogoya.

KALANSEN 3NAN: Sanga 5. O bɛ di balimamuso dɔ ma. Kalanden bɛna a ka baro kɛ kadara min kɔnɔ, walima a b’o sugandi ka bɔ Tirer profit de l’École du ministère théocratique ɲɛ 82nan na, walima kadara dɔ bɛ di a ma ka bɔ o yɔrɔ kelen in na. Barokun min mana di kalanden ma, a ka kan ka baara kɛ n’o ye ka kɛnyɛ ni a ka waajulikɛyɔrɔ cogoyaw ye. A ka baara ka kan ka kɛ fɛn nafama ye min kɛ ka di a ka waajulikɛyɔrɔ la. Ni yɔrɔ wɛrɛ ma fɔ tali bɛ se ka kɛ yɔrɔ minnu na walisa ka se ka nin baro labɛn, kalanden ka kan ka ɲinini kɛ an ka sɛbɛnw kɔnɔ walisa ka se ka a ka kalansen labɛn. Baro minnu kunnafoni sɔrɔyɔrɔw sɛbɛnnen bɛ u kɛrɛ fɛ, o barow bɛ di kalanden kuraw ma. Kalanso lakɔlɔsibaga bɛna a jan to min na kosɛbɛ, o ye k’a filɛ kalanden bɛ baro walawala ni kunnafoni dilenw ye cogo min na, ani a bɛ na ni nasira min ye ka a lamɛnbaga dɛmɛ o ka a hakili jakabɔ ni Sɛbɛnniw tɛmɛsiraw ye, ka se ka baro kolomayɔrɔw faamu. Kalanso lakɔlɔsibaga de bɛ dalaminɛbaga sugandi kalanden ye.

KALANSEN NO. 4: Sanga 5. Barokun min dira kalanden ma ka a kɛ, a bɛ o de labɛn. Ni yɔrɔ si ma fɔ, tali bɛ kɛ yɔrɔ min na walisa ka se ka nin baro labɛn, kalanden ka kan ka ɲinini kɛ an ka sɛbɛnw kɔnɔ walisa ka se ka a ka kalansen labɛn. Ni a baara dira balimakɛ dɔ de ma, o bɛ kɛ jɛmukan ye min bɛ fɔ jama ye. Ni kalan dira balimamuso dɔ de ma, a ka kan k’a kɛ iko a fɔra kalansen 3nan na cogo min na. Ni a diyara a ye tuma o tuma, kalanso lakɔlɔsibaga bɛ se ka Kalansen 4nan di balimakɛ dɔ ma. A kɔlɔsi ko dolonin bɛ kalan minnu kɛrɛ fɛ, tuma bɛɛ o jɛmuw ka kan ka di balimakɛw dɔrɔn de ma.

LAADILIW: Sanga 1. Kalanden ka kan ka yɔrɔ min baara a ka baro kɔnɔna na, kalanso lakɔlɔsibaga tɛna o fɔ sanni kalanden ka a ka kalansen kɛ. Kalansen No. 2nan ni No. 4nan kɔfɛ, kalanso lakɔlɔsibaga bɛna jira o kalansenw yɔrɔ minnu ɲɛna. A kuntilenna tɛ dɔrɔn k’a fɔ ko “a ɲɛna,” nka a ka kan k’a jira kun minnu y’a to a ko baro ɲɛna kɛrɛnkɛrɛnnenya la, ani o sera cogo min na ka nɔ bɔ. A bɛ se fana ka kalanden laadi koɲuman kɛrɛ fɛ, lajɛ bannen kɔ, walima waati wɛrɛ la, ka kɛnyɛ ni kalanden mago ye.

WAATI JANYA: Baro si man kan ka a kɛwaaati tɛmɛ, laadilikɛla fana man kan ka kuma ka waati tɛmɛ. Ka a ta kalansen 2nan na ka taa bila 4nan na, olu kɛbagaw bɛ se ka lajɔ ni bonya ye u ka kuma kɔnɔna na, ni waati sera. Balimakɛ minnu bɛ kalanso jɛmu fɔlɔ kɛ jɛmu kɛcogo ɲuman kan, Kalansen fɔlɔ walima Bibulu kalan nafamayɔrɔw kan, ni olu dɔ la kelen ye waati tɛmɛ, laadilikan na di u ma kɛrɛ fɛ. Bɛɛ ka kan k’i jan to a la walisa a ka baro kana waati dilen tɛmɛ. Kalanso kalanw bɛɛ bolodalen ka kan ka kɛ sanga 45 kɔnɔ, Dɔnkili ni delili sen tɛ o la.

LAADILIKAN SƐBƐN: O bɛ gafe kɔnɔ.

LAADILIKƐLA KANKƆRƆSIGI: Jɛkulu maakɔrɔ kulu bɛ se ka maakɔrɔ kelen sugandi min bɛ a masɔrɔ, ka fara kalanso lakɔlɔsibaga kan, ka kɛ laadilikɛla kankɔrɔsigi ye. Ni maakɔrɔ caman bɛ jɛkulu kɔnɔ, san o san, maakɔrɔ dɔ wɛrɛ bɛ se k’o baara kɛ. Balimakɛ minnu bɛ kalan 1 ani Bibulu kalan nafamayɔrɔ kɛ, laadilikɛla kankɔrɔsigi ka baara bɛna kɛ ka olu laadi kɛrɛ fɛ, ni o ka kan. O kɔrɔ tɛ ko a ka kan ka a maakɔrɔɲɔgɔnw ni cidenyabaara magannaw laadi u ka baro kelen o kelen bannen kɔfɛ.

DALAFƆ-SEGINNKANNI: Sanga 30. Kalo fila o kalo fila, kalanso lakɔlɔsibaga bɛ dalafɔ-seginnkanni ɲɛminɛ. O bɛna kɛ jɛmu kɛcogo ɲuman ni Bibulu kalan nafamayɔrɔw kɔfɛ, iko a fɔra san fɛ cogo min na. Dalafɔ-seginnkanni bɛ sinsin kalo fila tɛmɛnen kalan kow kan, ka na a bila seginnkanni dɔgɔkun taw la. Ni jɛkulu bɛna kafo ka tile fila jamalajɛ kɛ, ni o bɛna bɛn dalafɔ-seginnkanni dɔgɔkun ma, o tuma la dɔgɔkun nata lajɛ bolodalen bɛ bila dalafɔ-seginnkanni (ani lajɛ tɔ) nɔ la, ka dalafɔ-seginnkanni lajɛ bila o dɔgɔkun nata lajɛ nɔ na. Ni kafo lakɔlɔsibaga bɛna bɔ aw ka jɛkulu ye dalafɔ-seginnkanni bɛ kɛ dɔgɔkun min na, aw bɛ dɔnkili ni jɛmu kɛcogo ɲuman ni Bibulu kalan nafamayɔrɔw kɛ iko u bolodala cogo min na. Dɔgɔkun nata kalansen fɔlɔ de bɛ kɛ (Kalansen fɔlɔ bɛ kɛ jɛmu kɛcogo ɲuman kɔfɛ.) Dɔgɔkun nata Ala-ka-marako Cidenyabaara kalanso la, min bɛ kɛ o ye nin ye: Jɛmu kɛcogo ɲuman, Bibulu kalan nafamayɔrɔ, o kɔfɛ dalafɔ-seginnkanni bolodalen bɛ kɛ.