Mɔgɔ ka kan k’i miiri kosɛbɛ wideyo min na
“Tiɲɛ na nin wideyo bɛ mɔgɔ bila ka miiri!”
“Wideyo kuma donna ne la o yɔrɔnin bɛɛ la!”
“A ye koba de kɛ ne la!”
1 Yala o de kɛra e la wa, siɲɛ fɔlɔ min na i ye wideyo lajɛ min tɔgɔ ye ko Les jeunes s’interrogent... Comment se faire de vrais amis ? A bɛ san damadɔw bɔ sisan, an balimakɛ denmisɛn dɔ ye teri minnu sugandi, olu kɛra sababu ye a ye gɛlɛya sɔrɔ waati dɔ la a ka ɲɛnamaya kɔnɔ. Tiɲɛ ma diya a ye tun, a ni Jehowa cɛ fana tiɲɛna. O kɔfɛ Vrais amis wideyo bɔra. A y’a sɛbɛn ko: “Ikomi ne tun bɛ segin wideyo kan k’o lajɛ o k’o lajɛ, ne ɲɛji tun bɛ jigin. Ne ye Jehowa fo a ka dɛmɛ ko la min nana a waati la.” Wideyo ye an balimakɛ bila a ka a kɔdon a ka ɲɛnamaya kɛcogo la, ka teri sugu sɔrɔ minnu bɛnnen bɛ. A ye nin fana fɔ: “A jɛlen don ko fɛn o fɛn bɛ denmisɛnw kan bi bi in na, aw bɛ olu kala ma.” Bangebagaw ni denmisɛnw, mun na aw tɛ wideyo lajɛ ko kura aw ka denbaya ka kalan nata la? Wideyo yɔrɔ kelen-kelen bɛɛ laban na, aw ka aw jɔ, ka baro kɛ ɲininkaliw kan minnu bɛ dakun nataw la, aw kana fosi dogo, ani aw ka o kɛ ni kɔnɔnajɛya ye.
2 Wideyo daminɛ kumaw: A bɛ fɔ mɔgɔ jumɛn ma ko teri sɛbɛ?—Nt. 18:24.
3 Fɛn minnu bɛ teriya bali: N’a b’i kɔnɔ ko mɔgɔw bɛɛ y’i bila, i bɛ se ka mun kɛ walisa i kana o miiriya sɔrɔ tun? (Fil. 2:4) Mun na i ka kan ka sɔn k’i jogo ɲɛ? Jɔni de bɛ se k’i dɛmɛ k’o kɛ? Mun bɛna sira dayɛlɛ i ye ka teri caman sɔrɔ? O teriw bɛ sɔrɔ min?—2 Kɔr. 6:13.
4 E ni Ala ka teriya: I bɛ se ka mun kɛ walisa ka teriya sɛbɛ don e ni Jehowa cɛ? Mun na o kɛli ni cɛsiri ka kan? (Zab. 34:9) Jɔni bɛ se ka anw ni Ala ka teriya kologɛlɛya kosɛbɛ?
5 Teri sugu minnu ma ɲi: A bɛ fɔ mɔgɔ jumɛnw ma ko jɛɲɔgɔn juguw? (1 Kɔr. 15:33) Teri juguw bɛ se ka mɔgɔ ka alako tiɲɛ cogo jumɛn na? Bibulu maana min bɛ Dina kan, o bɛ i kalan mun na?—Jen. 34:1, 2, 7, 19.
6 Bi ko sɛbɛ dɔ: Ikomi teri tun tɛ Tara la, o ye mun kɛ a la? Ale ni diɲɛ denmisɛnw ka jɛɲɔgɔnya ko la, a ye mun fɔ walisa ka a yɛrɛ lafasa? U y’a bila farati jumɛnw na? A tun bɛ farati min na, mun na a bangebagaw ma o ye, nka u ye mun kɛ walisa k’a dɛmɛ a ka kɛnɛya alako ta fan fɛ? An balimamuso tutigɛbaga dɔ y’a jira cogo jumɛn na ko ale ye Tara teri sɛbɛ ye? Mun na Kretiɛnw ka kan k’u tulomajɔ kumaw la minnu bɛ Ntalenw 13:20 ni Jeremi 17:9 la? Tara ye kalan nafama jumɛn sɔrɔ a ka ko la?
7 Kuncɛli la: I ye kalan jumɛnw bɔ nin wideyo la? I bɛ se ka baara kɛ ni a ye cogo jumɛn na walisa ka mɔgɔ wɛrɛw dɛmɛ?—Zab. 71:17.