Sɔn-ni-sɔn gafeninw jiracogo
La Tour de Garde 15 juin
“E fɛ, yala an bɛ se ka hɛrɛ sɔrɔ, ka kunkow to an da la wa? [Jaabi makɔnɔ.] An bɛ se ka laadilikan sɔrɔ yɔrɔ min na, n’o bɛ se k’an dɛmɛ ka mɔgɔ dusukasikunw kɛlɛ, i n’a fɔ an diyanyemɔgɔ dɔ ka saya, nin gafenin b’o jira an na. Ni jigiya sɛbɛ b’an na, o bɛ kɛ an jigisɛmɛyɔrɔ ye. O fana ɲɛfɔlen bɛ a kɔnɔ.” Jirali 21:3, 4 kalan, k’i sinsin nin yɔrɔw kan: “saya tɛna kɛ tun” ani “fɛn fɔlɔw tɛmɛnna.”
Réveillez-vous! Juin
“I ma deli k’i yɛrɛ ɲininka mun na Hadama ni Hawa ka Ala-kanbila ye nɔ bila u denw na fo ka na se an ka waati ma? [Jaabi makɔnɔ.] A lajɛ fɛn min ye u bila ka jurumu kɛ. [Jenɛse 3:5 kalan, i k’i sinsin nin yɔrɔw kan: “Aw na kɛ i ko Ala, Ka ko ɲuman ni ko jugu Dɔn.”] Sɛbɛnniw y’a jira ko an bangebaga fɔlɔw ye u poron yɛrɛmahɔrɔnya kan jogo ta fan fɛ, ka bɔ Ala ka kuntigiya jukɔrɔ. Ala ye fɛɛrɛ minnu tigɛ walisa ka jurumu fɔlɔ kɔmanaw bɔ yen, nin barokun bɛ olu jira an na.” Barokun min bɛ daminɛ ɲɛ 28nan na, o jira i barokɛɲɔgɔn na.
La Tour de Garde 1er juillet
“Bɔnɛ kɛlen bɛ ka diɲɛ fa. O kosɔn mɔgɔ caman b’u yɛrɛ ɲininka ko: ‘Mun na diɲɛ falen bɛ kunkow la nin cogo la ten? Ni Ala bɛ yen, mun na a tɛ fɛn dɔ kɛ walisa ka tɔɔrɔ bɔ yen?’ Yala i delila k’i yɛrɛ ɲininka o la wa? [Jaabi makɔnɔ.] Ala ka Kuma minnu bɛ jaabi di o ɲininkaliw kan ka faamuyaliw di an ma, o bɛ nin gafenin kɔnɔ.” I ka 2 Timote 3:16 kalan, i k’i sinsin a kan ko “nafa b’a la kalanni” kama.
Réveillez-vous! Juillet
“Bi furu caman bɛ kɔnɔnafili la. E fɛ yala mɔgɔ minnu furulen don, olu bɛna nafa sɔrɔ n’u ye Ala ka nin laadilikan mɛn wa? [Efesekaw 4:32, kalan i ka i sinsin jogow kan minnu fɔlen bɛ o yɔrɔ la. O kɔ jaabi kɔnɔ.] Nin Réveillez-vous ! bɛ ɲɛfɔli kɛ Ala ka Kuma sariyakolow kan siga ma ye minnu nafa la, ni olu bɛ se ka an dɛmɛ ka furu duman sigi.”