Sɔn-nisɔn gafenin jiracogo
La Tour de Garde 15 mai
“Cogoya minnu ɲɛfɔlen bɛ Ala ka kuma fiyɛlen kɔnɔ yan yɔrɔ la, e fɛ, yala an bɛ se ka balo olu kɔnɔ don dɔ la wa? [I ka 2 Piɛrɛ 3:13 kalan, ka jaabi makɔnɔ.] Sankolo kuraw ni dugukolo kura ye fɛn minnu ye, nin gafenin bɛ olu ɲɛfɔ. A b’a ɲɛfɔ fana ko tuma min na Ala bɛna a sagonata kɛ dugukolo kan, an ka diɲɛnatigɛ tɛna kɛ iko sisan ta.”
Réveillez-vous! Mai
“Mɔgɔ dɔw bolo ni i b’a fɛ ka kɛ fɛntigi ye bi diɲɛ kɔnɔ, fo i ka kɛ mɔgɔ ye min kun ka kɛnɛ, ani i man kan ka sɔn a ka kɛ i la. Nka, e k’a lajɛ Yesu ye min fɔ. [I ka Matiyu 5:5, 9 kalan.] Yala e sɔnna o ma wa? [Jaabi makɔnɔ.] Ni an kɛra mɔgɔ sabalilen ye, nafa saba bɛ o la. Nin gafenin bɛ kuma olu kan k’a jɛya.” Barokun min bɛ ɲɛ 28nan daminɛ na, o jira a tigi la.
La Tour de Garde 1er juin
“Yɔrɔ caman na, waati kɛra mɔgɔw tun bɛ bonya da mɔgɔkɔrɔbaw kan, iko nin sariya b’a jira cogo min na, nin sariya min tun sɛbɛnna kabini tuma jan. [Levitike 19:32 kalan, k’a jira ko ka mɔgɔkɔrɔba bonya, o ni alaɲɛsiran sirilen bɛ ɲɔgɔn na.] E fɛ, yala o bonya sugu bɛ sɔrɔ yɔrɔ bɛɛ hali sa wa? [Jaabi makɔnɔ.] Ala b’a mago don cogo min na mɔgɔkɔrɔbaw la, ani an yɛrɛ bɛ se ka o kɛ cogo min na, nin gafenin bɛ kuma o kan.”
Réveillez-vous! Juin
“Terorisimu, n’o ye ka juguya farinma kɛ i ka baarakɛminɛn ye, o bɛ diɲɛ kɔnɔ kabini tuma jan. Bi, bɛrɛ t’a jɛ a bɛ mɔgɔw bɛɛ kun kan diɲɛ kɔnɔ. E fɛ, mun na a bɛ o cogo la? [Jaabi makɔnɔ.] Sɛbɛnni senumaw b’a jira ko hadamadenw tɛ se cogo si la ka hɛrɛ mɛnta lase mɔgɔw ma. Ala kelenpe de bɛ se k’o kɛ. [Mise 4:4 kalan, k’i sinsin nin yɔrɔ kan: “Kɛlɛbolow Matigi ye o fɔ.”] Ala bɛna dan bila terorisimu na diɲɛ ɲɛfɛ tuma min na, ani a bɛna na ni hɛrɛ lakika ye cogo min na dugukolo kan, nin Réveillez-vous ! b’o fɔ an ye.”