Sɔn-ni-sɔn gafeninw jiracogo
La Tour de Garde 15 janv.
“Mɔgɔ caman b’a miiri ko mɛlɛkɛ dɔ bilalen bɛ an kelen-kelen bɛɛ kosɔn baara caman kama. Dɔw b’a miiri ko mɛlɛkɛ bɛ ka olu ɲɛminɛ, ka u lakana. Dɔ yɛrɛw bolo mɛlɛkɛ bɛ u ka koɲumanw ni u ka kojuguw kɔlɔsi. E hakilila ye mun ye o kan? [Jaabi makɔnɔ. O kɔ fɛ Zaburu 104:4 kalan, k’i sinsin “jɔnw” daɲɛ kan.] Nin tɛmɛsira b’a jira an na ko Ala ye mɛlɛkɛw da walisa u ka baara kɛ ale ye, ka a ka ciw kɛ. Nin gafenin b’a ɲɛfɔ an ye Ala bɛ mɛlɛkɛw bila cogo min na ka baara sugu caman kɛ hadamadenw ye. An bɛ se ka nafa sɔrɔ u sababu la cogo min na, gafenin bɛ o fana fɔ an ye.”
Réveillez-vous ! Janv.
“An bɛ se ka laadilikan sɔrɔ bi fɛn camanba kan. Nka e fɛ, mɔgɔ bɛ se ka da o laadilikanw bɛɛ la wa? [Jaabi makɔnɔ. O kɔfɛ 2 Timote 3:16 kalan.] Nin Réveillez-vous ! b’a jira an na mun na an bɛ se ka Bibulu filɛ hakilitigiya lakika sɔrɔyɔrɔ ye, mɔgɔ bɛ se ka da min na.” Barokun min bɛ daminɛ ɲɛ 18nan na, o jira a la.
La Tour de Garde 1er févr.
“An bɛɛ mago bɛ wari la walisa ka se ka balo. Nka, yala e sɔnna a ma ko an ka kan k’an yɛrɛ kɔlɔsi kojugu la min jiralen bɛ yan yɔrɔ la wa? [1 Timote 6:10 kalan, ka jaabi makɔnɔ.] Nin La Tour de Garde b’an dɛmɛ ka jan dɔw ye minnu bɛ nafolomafɛn caman sɔrɔli la, ani a b’a jira an na, an bɛ se k’an tanga o ma cogo min na.”
Réveillez-vous ! Févr.
“A fɔra an caman ye ko an ka kan ka mɔgɔkɔrɔbaw bonya, u kɛra an bangebagaw ye wo, walima u ma kɛ an bangebagaw ye. E bolo, yala o ye ko ye min nafa ka bon wa? [Jaabi makɔnɔ.] A lajɛ Sɛbɛnni fiyɛlenw bɛ min fɔ o ko la. [I ka Levitike 19:32 kalan, k’i sinsin nin yɔrɔ kan: “Ka cɛkɔrɔbaw bonya.”] Nin sɛbɛn kɔnɔ, barokun caman labɛnnen bɛ mɔgɔkɔrɔbaw kan. A b’a ɲɛfɔ fana an bɛ se ka ko minnu kɛ walisa k’a jira ko an bɛ u bonya.”