Bibulu-kalanw bɛ daminɛ cogo min na ni Qu’enseigne la Bible ? gafe ye
A ka di an caman ye ka Bibulu-kalan ɲɛminɛ, nka a gɛlɛnmanyɔrɔ bɛɛ ye k’u daminɛ. Qu’enseigne réellement la Bible ? gafe bɛ se k’an dɛmɛ k’o kɛ. Ɲɛfɔli minnu bɛ gafe ɲɛw 3-7nan, olu kun ye ka an barokɛɲɔgɔn bila a k’i sen don barow la minnu sinsinnen bɛ Bibulu kan ni gafe ye. Hali mɔgɔ minnu tɛ cidenyabaara ɲɛdɔn kosɛbɛ, olu bɛna a ye ko a ka nɔgɔn ka Bibulu-kalanw daminɛ ni a ye.
◼ I bɛ se ka gafe ɲɛ 3nan ta, k’i ka kuma daminɛ nin cogo la:
N’i ye ko kɛlen walima gɛlɛya dɔ fɔ min bɛ i ka waajulikɛyɔrɔ mɔgɔw kun kan, ɲininkaliw minnu bɛ sɛbɛnni kunbabaw la ɲɛ 3nan na, olu jira i barokɛɲɔgɔn na, i k’a ɲini a fɛ a ka kuma o kan. O kɔ fɛ, taa ɲɛw 4-5nan na.
◼ Walima n’a ka di i ye, i bɛ se k’i sinsin ɲɛw 4-5nan kan, k’o kɛ i ka kuma daminɛ cogo ye:
I bɛ se k’a fɔ ko: “Yɛlɛma minnu jiralen bɛ ja la yan, ni olu sera ka kɛ tiɲɛ na, e m’a dɔn o bɛna kɛ dakabanako ye wa?” Walima i bɛ se k’i barokɛɲɔgɔn ɲininka ko: “ko minnu layidu tara yan, e b’a fɛ olu jumɛnw ka kɛ?” A ka jaabi lamɛn koɲuman.
N’i barokɛɲɔgɔn y’a jira ko Bibulu tɛmɛsira dɔ diyara a ye kɛrɛnkɛrɛnnenya la, gafe dakunw minnu bɛ kuma o tɛmɛsira kan, i ka o dakunw ta gafe kɔnɔ ka baro kɛ o kan, walisa k’a jira i barokɛɲɔgɔn na Bibulu bɛ min fɔ tigitigi o ko kan. (Tiiri kɛlen bɛ ka sɛbɛnni minnu lamini nin cɛmancɛ sɛbɛnfura ɲɛ kan, o lajɛ.) I ka baro kɛ o yɔrɔ kan, i n’a fɔ n’i bɛ ka Bibulukalan de kɛ. Aw bɛ se ka o baro fɔlɔ kɛ k’a ta miniti duuru la kana a bila miniti 10 na dɔrɔn.
◼ Kuma daminɛ cogo wɛrɛ ye ka baara kɛ ni gafe ɲɛ 6nan ye walisa k’i barokɛɲɔgɔn bila a ka kuma:
Ɲininkali minnu bɛ ɲɛ 6nan dugumana na, olu jira i barokɛɲɔgɔn na, i k’a ɲininka ko: “Yala i delila k’i yɛrɛ ɲininka ninnu na wa?” Ni a y’a jira ko a b’a fɛ ka ɲininkali dɔ jaabi sɔrɔ, i ka dakunw jira a la minnu bɛ o ɲininkali jaabi. (Tiiri kɛlen bɛ ka sɛbɛnni minnu lamini nin cɛmancɛ sɛbɛnfura ɲɛ kan, o lajɛ.) Ni aw bɛ ka o baro kɛ tuma min na, i bɛ ka Bibulu-kalan de ɲɛminɛ.
◼ I bɛ se ka gafe ɲɛ 7nan ta walisa k’a jira a la Bibulukalan bɛ kɛ cogo min na:
Kumasen fɔlɔ, filanan ni sabanan kalan. O kɔfɛ, i ka kalansen 3nan ta, ka baara kɛ ni dakunw 1-3nan ye walisa k’a jira a la kalan bɛ kɛ cogo min na. I ni a ka bɛn a la ko i bɛ segin ka na baro kɛ ɲininkaliw jaabiw kan minnu bɛ dakun 3nan na.
◼ I bɛ se ka min kɛ walisa ka se ka segin ka na:
N’i bɛna i ka baro fɔlɔ ban tuma min na, i ka fɛɛrɛ tigɛ walisa i ka baro ka se ka taa ɲɛ. I bɛ se k’a fɔ dɔrɔn: “Bibulu bɛ min fɔ ko nafama dɔ kan, an ye kunnafoni sɔrɔ o kan miniti damadɔw dɔrɔn kɔnɔ. Siɲɛ wɛrɛ, an bɛ se ka baro kɛ nin kan [ɲininkali dɔ lawuli aw bɛna kuma min kan]. Yala ne bɛ se ka na bɔ i ye nin waati kelen na dɔgɔkun nata wa?”
An bɛ ka gɛrɛ kosɛbɛ Jehowa ka waati latigɛlen na minkɛ baara min b’an bolo k’a kɛ, Jehowa bɛ ka t’a fɛ k’an labɛn o kama. (Mat. 28:19, 20; 2 Tim. 3:17) An ka baara kɛ ka ɲɛ ni nin baarakɛminɛn ɲumanba kura ye walisa ka Bibulu kalanw daminɛ.
[Box on page 3]
Baro bɛ kɛ Bibulu tɛmɛsira minnu kan olu bɛ ɲɛw 4-5nan na.
◻ Jirali 21:4 (ɲ. 27-8, d. 1-3)
◻ Esayi 33:24; 35:5, 6 (ɲ. 36, d. 22)
◻ Yuhana 5:28, 29 (ɲ. 72-3, d. 17-19)
◻ Zaburu 72:16 (ɲ. 34, d. 19)
Ɲininkaliw Jaabiw bɛ ɲɛ 6nan na
◻ Pourquoi souffrons-nous ?, o kɔrɔ ye: Mun na an bɛ tɔɔrɔ? (ɲ. 108-9, d. 6-8)
◻ Comment surmonter les inquiétudes ?, o kɔrɔ ye: An bɛ se ka jɔrɔnankow kunbɛn cogo di an ka ɲɛnamaya kɔnɔ? (ɲ. 184-5, d. 1-3)
◻ Comment rendre notre vie de famille plus heureuse ?, o kɔrɔ ye: An bɛ se ka mun kɛ walisa ka hɛrɛ bonya an ka denbaya kɔnɔ? (ɲ. 143, d. 20)
◻ Que devient-on quand on meurt ?, o kɔrɔ ye: Mun bɛ saya kɔ fɛ? (ɲ. 58-9, d. 5-6)
◻ Reverrons-nous nos chers disparus ?, o kɔrɔ ye: An diyanyɛmɔgɔ minnu sara, yala an bɛna olu ye kokura wa? (ɲ. 72-3, d. 17-19)
◻ Comment pouvons-nous être sûrs que Dieu tiendra ses promesses ?, o kɔrɔ ye: Ala ye layidu minnu ta ka ɲɛsin sini ma, an bɛ se ka da a la cogo di ko a bɛna olu timɛ? (ɲ. 24-5, d. 17)