Don kelen Jamalajɛ kɛrɛnkɛrɛnnen kalan bolodalen kura
Ɲɛkisɛ ye dakabana fɛn dilannen ye. (Zab. 139:14) O bɛɛ n’a ta ɲɛ tɛ se ka jɔ fɛn fila kan ɲɔgɔn fɛ. O ye tiɲɛ ye a kɔrɔjɛ la cogo min na, a bɛ ten fana a kɔrɔ bisigilen na. Walisa an ka se ka alakow ye ka ɲɛ ani ka u kɛ an kuntilenna ye, an ka kan ka an ɲɛmajɔ kosɛbɛ Ala sago kɛli la. San 2006 Ala-ka-marako Don kelen Jamalajɛ kɛrɛnkɛrɛnnen kalan bolodalen kura bɛna kuma masalakun min kan ni a tɔgɔ ye ko “An ka to ni ɲɛkisɛ ye min ka kɛnɛ”, o bɛna kɛ ko bɛnnen ye ka da a kan nin sitanɛ diɲɛ tulonkɛ kow bɛ ka caya ka taa a fɛ.—Mat. 6:22.
An bɛ se ka mun kɛ walisa ka Jehowa ka dugawu sɔrɔ? (Nt. 10:22) Nin ɲininkali jaabiw bɛna di jɛmukan kɔnɔ min tɔgɔ ye ko “An bɛ ko ɲuman minnu lase an yɛrɛ ma ni an bɛ to ni ɲɛkisɛ ye min ka kɛnɛ.” Ɲininkaliw bɛna kɛ mɔgɔ dɔw la. O bɛna a jira cogo min na an bɛ nafa sɔrɔ Sɛbɛnniw waleyali la. Jɛmukanfɔbaga min bɛna bɔ an ye, o ka jɛmukan fɔlɔ, min tɔgɔ ye ko “An bɛ se cogo min na ka to ni ɲɛkisɛ ye min ka kɛnɛ nin diɲɛ juguman kɔnɔ” o jɛmukan bɛ an lasɔmi kow la minnu bɛ se k’an ka ɲɛnamaya gɛlɛya an bolo ani ka an ka alako dɔɔnin-dɔɔnin ban an bolo. An bɛna a kalan fana, an ka kan ka min kɛ walisa an ka se ka “niyɔrɔ ɲuman” de ɲɛnatɔmɔ.—Luka 10:42.
Bangebagaw ani kerecɛn wɛrɛw bɛ se cogo di ka dusu don denmisɛnw kɔnɔ minnu ye kerecɛn ye walisa u ka tugu Alako baara kɔ ka o kɛ u kuntilenna ye? Jɛmu minnu tɔgɔ ko “Bangebaga minnu bɛ u ka kalakisɛw bonyɔrɔ ɲuman suma koɲuman” ani “Denmisɛn minnu bɛ sama alako-kuntilennaw nɔ fɛ” olu bɛna kuma bangebagaw ni denw ka hakililaw kan o ko la. (Zab. 127:4) Jɛmukanfɔbaga min bɛna bɔ an ye, o bɛna jɛmukan laban min kɛ, o jɛmukan bɛna a jira cogo min na mɔgɔ kelen-kelen bɛɛ wala denbayaw kelen-kelen bɛɛ wala jɛkuluw kelen-kelen bɛɛ bɛ se ka taama ni Jehowa ka jɛkuluba ye.
An ye mɔgɔ kura ye tiɲɛ kɔnɔ wo, wala n’an ye san tan sigiyɔrɔma caman kɛ Jehowa batoli la wo, a nafa ka bon an ka ɲɛnamaya la ‘an ka to ni ɲɛkisɛ ye min ka kɛnɛ.’ Don kelen jamalajɛ kɛrɛnkɛrɛnnen kalan bolodalen bɛna an dɛmɛ ka o de kɛ tigitigi.