Baara ka Lajɛ Bolodasira

Zuwɛnkalo tile 13 dɔgɔkun

Dɔnkili 198

Sanga 15: Ladɔnniyaliw ka ɲɛsin sigida ma. Ladɔnniyali minnu bɛ jɛkulu kun kan, olu woloma ka bɔ An ka Masaya Cidenyabaara kɔnɔ. Hakilila minnu bɛ sɛbɛn ɲɛ 8nan na, olu ta i ka ɲɛjirali kɛ Zuwɛnkalo tile 8 Réveillez-vous ! ani Zuwɛnkalo tile 15 La Tour de Garde jiracogow kan. Ɲɛjirali wɛrɛw bɛ se ka kɛ minnu bɛnnen bɛ. Ɲɛjirali kelen kɔnɔ, gafew bɛ di k’i to senfɛ seereya la.

Sanga 15: Mɔgɔw dɛmɛ u ka kɛ weleweledalaw ye minnu ma batise. Jɛmu ani baro ni i lamɛnbagaw ye. A sinsinnen bɛ Organisés pour faire la volonté de Jéhovah, ɲɛw 79-​81. Diinɛ maakɔrɔ dɔ de bɛ o jɛmu ni baro ɲɛminɛ. Fɛɛrɛ tigɛra walisa k’a dɔn n’a sɔrɔ kalanden bɛ se ka baara kɛ foro kɔnɔ ni jɛkulu ye ka kɛnyɛ ni Sɛbɛnniw ka fɔ ye. Baro kɛ o fɛɛrɛ kan. Ni Bibulu kalanden kɛra weleweledala ye min ma batise, o bɛ se ka dege cogo min na walisa a ka a sen don du-ni-du waajuli baara la, an bɛna o ye dɔgɔkun nata la.

Sanga 15: Ni mɔgɔw y’a jira ko kibaru duman ka di u ye, aw k’a ɲini ka dɔ fara o diya kan. Jɛmu ani Baro. A bɛ kɛ ni i lamɛnbagaw ye. Forobaara lakɔlɔsibaga de bɛ a ɲɛminɛ. An wajibiyalen don ka segin ka taa bɔ mɔgɔw kelen-kelen bɛɛ la, minnu sɔnna Veillez ! gafenin la walisa u ye nafa min sɔrɔ, ka dɔ fara o kan. Gafenin tilayɔrɔw sɛbɛnnen bɛ ɲɛ 2nan. An ka o ta ka ɲɛfɔli surun kɛ gafenin kɔnɔkow kan. An ka dakun sɛbɛnnenw jira a tigi la (o dakunw tɔgɔ sɛbɛnna tilayɔrɔw jukɔrɔ). Baara bɛ se ka kɛ ni nin gafenin yɔrɔw ye walisa ka baro surun nafama lawuli min sinsinnen bɛ aw ka baro tɛmɛnenkɔrɔ kan. Misali la, a ka kɛ ko aw ka baro kɛ ko fɔlɔ la, i kumana gafenin ɲɛw 3-4nan kan. Ni an seginna ka taa bɔ a tigi ye, dakun min bɛ se ka lajɛ, o tɔgɔ ye ko “ Dieu s’en soucie-t-il vraiment ? ”. O bɛ gafenin ɲɛ 5nan na. O bɛ se ka kɛ cogoya min na, baro kɛ o kan. Dakun wɛrɛw fana lajɛ, i na a fɔ minnu bɛ ɲɛw 6-8nan na ani 17-​18nanw na walima dakun wɛrɛw minnu bɛnnen bɛ sigida ma. Segin-ka-Bɔnye ɲɛjirali dɔ kɛ ni o dakunw dɔ la kelen ye. Bibulu tɛmɛsira minnu sɛbɛnnen bɛ, olu kelen wala caman ka kan ka kalan, ka baro kɛ u kan. Weleweledala bɛ a ka kuma kuncɛ ni dakun wɛrɛ jirali ye, baro bɛ se ka kɛ min kan bɔ-n-ye wɛrɛ la.

Dɔnkili 66 ani kuncɛli delili.

Zuwɛnkalo tile 20 dɔgɔkun

Dɔnkili 58

Sanga 10: Ladɔnniyaliw ka ɲɛsin sigida ma. Segin yɔrɔ kolomaw kan minnu bɛ san 2003 Zuluyekalo An ka Masaya Cidenyabaara ɲɛ 4nan na. Sɛbɛn minnu bɛ kan wɛrɛ la, weleweledalaw bɛ se ka olu sɔrɔ cogo min na, o ɲɛfɔ. Nin kunnafoni bɛ se ka ta ka baara kɛ ni a ye aw ka sigida la cogo min na, baro kɛ o kan. Sɛbɛnw walima fɛn wɛrɛ minnu bɛ kan wɛrɛ la, olu bɛɛ ka kan ka ɲini balima fɛ min bɛ sɛbɛnw koɲɛw ɲɛnabɔ, hali ni sɛbɛn den kelenpe walima ni fɛn kelenpe de bɛ ɲinina. O la magoma sɛbɛn sɔrɔli bɛ se ka teliya.

Sanga 15: An ka Bibulukalan daminɛ ni mɔgɔw ye minnu sɔnna Gafenin kura la. Jɛmu ani baro ni lamɛnbagaw ye. Forobaara lakɔlɔsibaga bɛ a ɲɛminɛ. Segin-ka-bɔnye ɲɛjirali min kɛra Baara ka lajɛ tɛmɛnen na, segin o kan waati surun kɔnɔ. Segin-ka-bɔnye laban na, kuma kɛra dakun min kan i ka o fɔ kɛrɛnkɛrɛnnenya la. O weleweledala kelen bila (ni o bɛ se ka kɛ) a ka o yɔrɔ kelen ta ka segin-ka-bɔnye wɛrɛ kɛ. O kɔ, weleweledala bɛ baara kɛ ni gafenin ɲɛ laban ye walisa ka a kumaɲɔgɔn ɲininka ni a ka di a ye ka Bibulu-kalan daminɛ, ani fɛɛrɛw bɛ tigɛ ka kalansen 1 kalan Waajibiya gafenin kɔnɔ segin-ka-bɔnye wɛrɛ la. Dusu don bɛɛ kɔnɔ u ka u kuntilenna kɛ Bibulu-kalanw daminɛni ye ni mɔgɔw ye minnu sɔnna Veillez ! gafenin la.

Sanga 20: “Ka Bibulu-kalanw ɲɛminɛ minnu bɛ taa ɲɛ​—Tila 10.”a Ɲɛjirali dɔ sen don a la min kɔnɔ kalanden bɛ ka dege. Ka kalanden to a bɛ ka segin sɛbɛn jiracogo kan, a degebaga bɛ a yɛrɛ bila sokɔnɔmɔgɔ nɔ la. Degebaga bɛ kalanden jaabi iko mɔgɔw bɛ jaabili kɛ cogoya min na sigida la. Ni kalanden t’a dɔn a ka kan ka min fɔ, degebaga bɛ o ɲɛfɔ a ye, kɔn ka a ɲini mɔgɔ kelen wala fila fɛ u ka u labɛn walisa ka a ɲɛfɔ u degera cogo min na u kɛlen ka du-ni-du waajuli baara daminɛ.

Dɔnkili 208 ani kuncɛli delili.

Zuwɛnkalo tile 27 dɔgɔkun

Dɔnkili 113

Sanga 10: Ladɔnniyaliw ka ɲɛsin sigida ma. Weleweledalaw hakili jigin u k’u ka Zuwɛnkalo waajuli baara dantigɛli sɛbɛn di. Wari min bɛ jɛkulu bolo ani wari min ɲinna jɛkulu la, olu seereyasɛbɛn kalan. Hakilila minnu bɛ sɛbɛn ɲɛ 8nan na, olu ta i ka ɲɛjirali kɛ Zuwɛnkalo tile 22 Réveillez-vous ! walima Zuluyekalo tile 1 La Tour de Garde jiracogow kan. Ɲɛjirali wɛrɛ bɛ se ka kɛ min bɔlen bɛ tiɲɛ fɛ. Ɲɛjirali mana ban, i bɛ segin kuma daminɛcogo kan min fɔra walisa ka sɛbɛn kodiya so kɔnɔmɔgɔ ye.

Sanga 15: Sigida magow.

Sanga 20:  An ka gafeninw jira Zuluyekalo ani Utikalo la. Jɛmu ani baro ni lamɛnbagaw ye. A sinsinnen bɛ cɛmancɛ sɛbɛnfura kan. Baara bɛ kɛ cogo min na, o ɲɛfɔli surun kɛ ni o sɛbɛnfura ye. Tiiri kɛlen bɛ ka yɔrɔ min lamini, i sinsin o kan ɲɛ 3 nan na ka fara san 2005 Zanwuyekalo An ka Masaya Cidenyabaara, ɲɛ 8nan kolomayɔrɔw kan. Baro kɛ hakililaw kan mɔgɔ bɛ se ka baara kɛ ni minnu ye sigida la tuma min na an bɛ gafeninw jira. Gafenin jiracogo fila wala saba kɛ. A to jiracogo kelen wala damadɔ la, weleweledala min bɛ ɲɛjirali kɛ o ka kɛ denmisɛnin ye.

Dɔnkili 196 ani kuncɛli delili.

Zuluyekalo tile 4 dɔgɔkun

Dɔnkili 149

Sanga 10: Ladɔnniyaliw ka ɲɛsin sigida ma. Waajuli ko duman minnu kɛra sigida la. A ɲini i lamɛnbagaw fɛ u ka waajuli ko dumanw fɔ, minnu y’u sɔrɔ u seginnen ka taa bɔ mɔgɔw la u ye gafenin Veillez ! to minnu bolo. Kɔn ka waajuli ko dumanba dɔw labɛn ka o jira bɛɛ la. Weleweledalaw ye gafenin kura tila-tilali kɔkɔrɔdon min kɛ, u bɛɛ fo o la.

Sanga 20: “Waajuli b’an dɛmɛ ka muɲu.”b A ɲini i lamɛnbagaw fɛ u ka ɲɛfɔliw kɛ Bibulu tɛmɛsira dilenw kan ni a waati bɛ aw bolo.

Sanga 10: “An ka seereya kɛ ka ɲɛ forobayɔrɔw la.”c O bɛ se ka kɛ cogo min na ka kɛnyɛ ni sigida cogoyaw ye, o ɲɛfɔ. Weleweledalaw hakili jigin u ka baara kɛ ni Veuillez suivre l’intérêt (S-43) sɛbɛn ye.​—San 2005 Feburuyekalo An ka Masaya Cidenyabaara ɲɛ 6nan lajɛ.

Dɔnkili 120 ani kuncɛli delili.

[Footnotes]