Denbaya ka ko bolodalen—Texte du jour
1 Bangebaga minnu denw ko ka di u ye, olu bɛ u sɛbɛkɔrɔ cɛsiri tile o tile walisa ka dumuni duman dilan ka di u denw ma. Ka hakili-la-dumuni bɔ Ala ka Kuma kɔnɔ ka o di i denw ma, o nafa yɛrɛ ka bon ka tɛmɛ dumuni dunta kan. (Mat. 4:4) Sira kelen fɛ, an bɛ se ka an denw dɛmɛ walisa u ka kan ni hakili-la-dumuni kɛnɛman hakɛ min ye, o nege ka don u la, u ka ‘mɔ ka taa kisili fɛ’. O sira ye denbaya mumɛ ka Texte du jour ni a kunkan ɲɛfɔliw lajɛli ye ɲɔgɔn fɛ don o don, waati dɔ kɔnɔ. (1 Pi. 2:2) An bɛ se ka denbaya ka waati jumɛn boloda o kama?
2 Dumunikɛ waatiw la: Ni sɔgɔmada fɛ an bɛ fɔlɔ ka baro kɛ Texte du jour kan, o bɛ se ka an ka denbaya dɛmɛ a hakili ka to Jehowa la tile kuuru kɔnɔ. (Zab. 16:8) Muso dɔ ye a latigɛ ko ale bɛna Texte du jour kalanwaati bɛn ni a denkɛ ka daraka dunwaati ye, walisa u ka a kalan ɲɔgɔn fɛ, ka baro kɛ a kan, ani u ka tila ka delili kɛ ɲɔgɔn fɛ sanni denkɛ ka taa lakɔli la. O ye barika don denkɛ la walisa a ka n’a sen don fasokanubaganciyakow la k’a yɛrɛ coron. Ani o ye barika don denkɛ la walisa a ka se k’i ban ni u ye kakalaya ko ta ka ɲɛsin a ma ani a ka se ka seereya kɛ ni jagɛlɛya ye a lakɔlidenɲɔgɔnw ni lakɔlikaramɔgɔw bɛɛ ye. Denkɛ kelenpe de ye Jehowa Seere ye lakɔli la. Hali o la, a ma na a miiri la don kelen si la, ko ale bɛ a kelen na.
3 Ni denbaya tɛ se ka Texte du jour kalan sɔgɔmada fɛ, a bɛ se k’a lajɛ tile waati wɛrɛ la, a bɛ se ka kɛ yɛrɛ surɔfana duntuma na. Dɔw ye ko duman minnu sɔrɔ foro cidenyabaara la, olu bɛ baro kɛ o kan, ani u ka yɛrɛkalan kɔnɔ yɔrɔ minnu diyara u ye, u bɛ kuma olu kan. Mɔgɔ caman hakili bɛ jigin o surɔfana-dun-waati ɲɔgɔnnaw na iko u ye waatiw bɛɛ la dumanbaw minnu kɛ ni denbaya bɛɛ lajɛlen ye.
4 Sufɛ: Denbaya dɔw fɛ, waati min ka ɲi kosɛbɛ ni waatiw bɛɛ ye Texte du jour lajɛli la, o ye k’a kɛ yanni bɛɛ ka taa i da sufɛ. O fana bɛ se ka kɛ waati ɲuman ye, min kɔnɔ denbaya bɛɛ bɛ jɛ ka delili kɛ ɲɔgɔn fɛ. Ni don o don, denw b’a ye ko an bɛ kuma Jehowa kan ani an bɛ Jehowa deli, u b’a faamu ko Jehowa bɛ ye tiɲɛ na.
5 Jehowa ka duba aw ka cɛsiriw bɛɛ ye, aw bɛ ka minnu kɛ walisa ka tiɲɛ don aw denw kɔnɔ ni Examinons Les Ecritures chaque jour gafenin ye.