Yala i bɛ ka nafa bɔ Examinons les Écritures chaque jour la wa?

Don o don Bibulu tɛmɛsira min bɛ Examinons les Écritures chaque jour kɔnɔ ani a ɲɛfɔliw kalanni, yala o sen bɛ fɛnw na i bɛ to ka minnu kɛ don o don walasa ka gɛrɛ Jehova la wa? Ni i tɛ to ka o kɛ, yala i bɛ se ka o kɛli sen don i ka don o don kokɛtaw la wa? Mɔgɔ caman bɛ soli ka texte du jour kɛ sɔgɔma. O b’a to u ka se ka u hakili jagabo a hakilinaw kan u ka tile baaraw kɔnɔna na. (Josue 1:8; Zaburu 119:97) I bɛ se ka nafa bɔ kosɛbɛ texte du jour la cogo di? Bibulu tɛmɛsira kalan a hukumu kɔnɔ walasa ka a kɔrɔ bɛɛ faamu. Sariyakolo min jiralen bɛ texte du jour kɔnɔ, i hakili jagabɔ Bibulu maana dɔ kan min bɛ kuma o sariyakolo kan. O kɔ, o sariyakolo waleya i yɛrɛ kan. Ni i bɛ i ka latigɛliw sinsin Ala ka sariyakolow kan, o bɛna i ɲɛminɛ i ka ɲɛnamaya kɔnɔ ani ka i nafa tiɲɛ yɛrɛ la.—Zaburu 119:105.

Diɲɛ fan bɛɛ, betɛli denbaya kɔnɔmɔgɔw bɛ Examinons les Écritures chaque jour kalan kɛ sɔgɔma daraka dunwaati la. Nin san laban ninnu na, o baro caman bilara JW teleso^® kan ÉVÈNEMENTS ET DISCOURS duguma. Siɲɛ laban min na e ye olu dɔ la kelen walima u caman lajɛ, o kɛra tuma jumɛn? Laala o baro dɔw yɛrɛ ye fɛn ye, e mago bɛ min na tigitigi. Misali la, Lɔti ka maana bɛ se ka nɔ bila i ka latigɛliw la cogo di?

WIDEYO LAJƐ MIN TƆGƆ YE KO « N’AIMEZ PAS LE MONDE » (1 JEAN 2:15) (O kɔrɔ ye ko: “Aw kana diɲɛ kanu” (1 Yuhana 2:15)) O KƆ AW KA NIN ƝININKALI NINNU JAABI:

• Nin don Culte matinal (sɔgɔmada fɛ kalan) baro tun sinsinnen bɛ Bibulu sariyakolo jumɛn de kan?

• Farati min b’a la ka diɲɛ ni a kɔnɔ fɛnw kanu, Lɔti ka maana bɛ o jira cogo di? (Jenɛse 13:12; 14:12; 19:3, 12, 13, 24-26)

• An b’a jira cogo di ko an bɛ Jehova de kanu, ko an tɛ diɲɛ ni a kɔnɔ fɛnw kanu?