Baara ka Lajɛ Bolodasira

Mɛkalo tile 9 dɔgɔkun

Dɔnkili 69

Sanga 10: Ladɔnniyaliw ka ɲɛsin sigida ma. Ladɔnniyali minnu bɛ jɛkulu kun kan, olu woloma ka bɔ An ka Masaya Cidenyabaara kɔnɔ. Hakilila minnu bɛ sɛbɛn ɲɛ 8nan na, olu ta i ka ɲɛjirali kɛ Mɛkalo tile 8 Réveillez-vous ! ani Mɛkalo tile 15 La Tour de Garde jiracogow kan. Ɲɛjirali wɛrɛw bɛ se ka kɛ minnu bɛnnen bɛ sigida ma. Ɲɛjirali kelen kɔnɔ, gafew bɛ di senfɛ seereya la foroba mɔbili kɔnɔ.

Sanga 15: “Baara kɛrɛnkɛrɛnnen gafenin kura jɛnsɛnni kama.”a Waajuli baara lakɔlɔsibaga de bɛ jɛmu in kɛ. Gafenin jiracogo minnu dilen bɛ, ɲɛjirali kɛ olu kan. Ɲɛjirali kelen kɔnɔ, sokɔnɔmɔgɔ tɛ nafa bɛrɛ don Bibulu-kɔnɔ-kuma la, o la sɛbɛndennin kelen bɛ di a ma gafenin nɔ na.

Sanga 20: “An ka denbaya ka kow boloda cogo bɛnnen na.” I ka dantigɛli kuma kana tɛmɛ miniti 2 kan. O dantigɛli kuma kɔnɔ, nafa min bɛ a la ka kow boloda papiye kan o ɲɛfɔ ani an bɛ se ka an ka kow boloda sɛbɛn in ɲɛ 6nan na cogoya min na i ka baro kɛ o kan. Baro tɔ kɛ ɲininkali ni jaabi ye barokun kan min tɔgɔ ye ko “Denbaya ka ko bolodalen​—Jɛkulu ka lajɛw.” A ɲini i lamɛnbagaw fɛ u ka a fɔ u bɛ min kɛ walisa baara wɛrɛw kana na ɲagami jɛkulu ka lajɛw la. Denbaya ka ko bolodalen wɛrɛw bɛna lajɛ ka fara nin kan dɔgɔkun nataw la.

Dɔnkili 176 ani kuncɛli delili.

Mɛkalo tile 16 dɔgɔkun

Dɔnkili 201

Sanga 10: Ladɔnniyaliw ka ɲɛsin sigida ma. Waati kunkunrun kɔnɔ, segin fɛɛrɛw kan, minnu tigɛra walisa ka gafenin kura jɛnsɛn.

Sanga 15: “Denbaya ka ko bolodalen​—Denbaya ka foro baara.”b A ɲini i lamɛnbagaw fɛ u k’a fɔ nafa minnu bɛ denbaya ka waajuli kɛli la ɲɔgɔn fɛ tuma caman.

Sanga 20: “Ka Bibulu-kalanw ɲɛminɛ minnu bɛ taa ɲɛ​—Tila 9.”c Ni baro nana se dakun 2nan ma, yɔrɔ kelen wala fila fɔ ka bɔ san 2004 Desanburukalo An ka Masaya Cidenyabaara ɲɛ 4nan kɔnɔ. Bibulu-kalan ɲɛjirali surun kelen kɛ. U kɛlen kɔ ka Waajibiya gafenin kalansen 2nan kalan ka ban, kalan ɲɛminɛbaga bɛ kalanden ɲininka ko:“ E bɛna Ala tɔgɔ kofɔ e teri dɔ ye cogo di?” Kalanden bɛ a ɲɛfɔ ale bɛna baara kɛ ni Zaburu 83:19 ye cogoya min na. Kalan ɲɛminɛbaga bɛ kalanden fo o la.

Dɔnkili 134 ani kuncɛli delili.

Mɛkalo tile 23 dɔgɔkun

Dɔnkili 194

Sanga 12: Ladɔnniyaliw ka ɲɛsin sigida ma. Wari min bɛ jɛkulu bolo ani wari min ɲinna jɛkulu la o seereyasɛbɛn kalan. Hakilila minnu bɛ sɛbɛn ɲɛ 8nan na, olu ta i ka ɲɛjirali kɛ Mɛkalo tile 22 Réveillez-vous ! walima Zuwɛnkalo tile 1 La Tour de Garde jiracogow kan. Ɲɛjirali ɲuman wɛrɛw bɛ se ka kɛ. Ɲɛjirali kelen kɛ gafe kura jiracogo kan min ye nɔ ɲumanw bɔ sigida la. Ni waati bɛ aw bolo, ko duman minnu kɛra gafe kura jɛnsɛnni tuma na, aw ka olu lakali.

Sanga 18: “Jehowa ka don ka surun.”d N’i bɛ nin yɔrɔ labɛn, i ka La prophétie de Daniel gafe ɲɛ 59, dakun 28 ta k’a lajɛ.

Sanga 15: “Denbaya ka ko bolodalen​— Denbaya ka kalan.”e Kɔn ka a ɲini mɔgɔ kelen wala fila fɛ u k’u labɛn walisa u ka se k’a ɲɛfɔ cogo min na u ye u ka denbaya ka kalan boloda ani cɛsiri min ka kan ka kɛ walisa denbaya ka kalan ka se ka kɛ tuma bɛɛ.

Dɔnkili 152 ani kuncɛli delili.

Mɛkalo tile 30 dɔgɔkun

Dɔnkili 190

Sanga 10: Ladɔnniyaliw ka ɲɛsin sigida ma. Weleweledalaw hakili jigin u k’u ka Mɛkalo waajuli dantigɛli sɛbɛn di. Sɛbɛn minnu bɛ jira Zuwɛnkalo la olu fɔ. Sɛbɛn jiracogo minnu bɛ san 2005 Zanwuyekalo An ka Masaya ka Cidenyabaara farankan kɔnɔ olu dɔ la kelen wala fila ta i ka ɲɛjirali kɛ ni sɛbɛnw ye minnu bɛ jira nin kalo in na (ni o bɛ bɛn aw ka sigida ma). Baara bɛ se ka kɛ ni sɛbɛn-jiracogo wɛrɛw ye minnu bɛ bɛn sigida ma.

Sanga 20: “Denbaya ka ko bolodalen​—Texte du jour.”f A ɲini i lamɛnbagaw fɛ u k’a ɲɛfɔ u ka denbayaw bɛ nafa minnu sɔrɔ Texte du jour kalanni na ɲɔgɔn fɛ, ani u sera ka o boloda cogo jumɛn na.

Sanga 15: Aw ka ɲɛfɔliw kɛ kodumanw kan minnu kɛra Marisikalo, Awirilikalo ani Mɛkalo la walima aw ka segin o ko dumanw kan bɛɛ ɲɛna. Kɔn k’a ɲini mɔgɔ kelen wala fila fɛ u k’u labɛn walisa u ka se k’a ɲɛfɔ u ye cɛsiri minnu kɛ ka dɔ fara u ka waajulibaara kan Hakilijigin waati ani o ye duba minnu lase u ma.

Dɔnkili 115 ani kuncɛli delili.

Zuwɛnkalo tile 6 dɔgɔkun

Dɔnkili 155

Sanga 10: Ladɔnniyaliw ka ɲɛsin sigida ma.

Sanga 15: Sigida magow.

Sanga 20: Ko duman minnu kɛra sigida waajulikɛyɔrɔ la. A ɲini i lamɛnbagaw fɛ u ka ko dumanw fɔ minnu kɛra gafenin kura jɛnsɛn waati. Kɔn ka labɛnw kɛ walisa segin ka kɛ o ko dumanba dɔw kan bɛɛ k’a ye. Ni jɛkulu ka gafenin maralenw hakɛ bɛ ka dɔgɔya, aw ka a ɲini sɛbɛnw jatebaga fɛ a ka gafenin wɛrɛw ɲini ka fara o kan.

Dɔnkili 107 ani kuncɛli delili.

[Footnotes]