Baara ka Lajɛ Bolodasira

Feburuyekalo tile 14nan dɔgɔkun

Dɔnkili 174

Sanga 10: Ladɔnniyaliw ka ɲɛsin sigida ma. Ladɔnniyali minnu bɛ jɛkulu kun kan, olu woloma ka bɔ An ka Masaya Cidenyabaara kɔnɔ. Hakilila minnu bɛ sɛbɛn ɲɛ 8nan na, olu ta i ka ɲɛjirali kɛ Zanwuyekalo tile 22 Réveillez-vous ! ani Feburuyekalo tile 1 La Tour de Garde jiracogow kan. Sɛbɛn-jiracogo minnu dilen bɛ, a lajɛ teliya la, olu bɛ se ka yɛlɛma cogoya min na walisa baara ka se ka kɛ ni u ye sigida waajulikɛyɔrɔ la.​—San 2005 Zanwuyekalo An ka Masaya Cidenyabaara, ɲɛ 8nan lajɛ. Dusu don bɛɛ kɔnɔ u ka baara kɛ ni ɲininkali dilenw ye minnu bɛ ɲɛ 1 la walisa u ka u yɛrɛ labɛn baro kama, min bɛna kɛ kafoba ka jamalajɛ kan dɔgɔkun wɛrɛ Lajɛ ka baara waati. Jamalajɛ tɔgɔ ye ko “Aw ye taama ni Ala ye.”

Sanga 35: “Hakilijigin waati​—baara caman kɛwaati.”a Forobaara lakɔlɔsibaga de bɛ a ɲɛminɛ. Ni aw nana se dakun 6nan ma, San 2005 Sɛtanburukalo tile 8 Réveillez-vous ! ɲɛw 12-​13 ɲɛfɔliw sen don a la. Mɔgɔ minnu ye tutigɛbaga farankanya daminɛ olu tɔgɔ fɔ. Waajuli wɛrɛ minnu sigira sen kan, olu fɔ. Dusu don bɛɛ kɔnɔ walisa u ka dɔ fara u ka alako baara kan cogoya dɔ la nin Hakilijigin waati la.

Dɔnkili 14 ani kuncɛli delili.

Feburuyekalo tile 21nan dɔgɔkun

Dɔnkili 31

Sanga 10: Ladɔnniyaliw ka ɲɛsin sigida ma. Tiiri kɛlen bɛ ka sɛbɛnni minnu lamini ni u tɔgɔ ye ko “An ka u dɛmɛ u ka seereya sɔrɔ ka taga a fɛ,” o kolomayɔrɔw fɔ. Dusu don bɛɛ kɔnɔ u ka sɛbɛn Veuillez suivre l’intérêt (S-43) lafa ni u mago jɔra o la.

Sanga 35: “Kafoba ka jamalajɛ bɛ an dusu ka taama ni Ala ye.” Jɛkulu maakɔrɔ dɔ bɛ a ɲɛminɛ. I ka dantigɛli kana tɛmɛ miniti kelen kan, o kɔ baro kɛ n’i lamɛnbagaw ye kafo ka jamalajɛ kan, i ka baara kɛ ni ɲininkali dilenw ye. I ka waati tila cogo bɛnnen na, walisa ɲininkaliw bɛɛ jaabi ka se ka di. Laala i na a to jaabi kelen de ka di ɲininkali dɔw la. Bibulu tɛmɛsiraw bɛɛ tɛna se ka lajɛ waati labilalen kɔnɔ. U dira walisa ka jaabi ɲumanw yɔrɔ ye nɔgɔya la. Ɲɛfɔliw ka kan ka ɲɛsin nafaw ma minnu bɛ sɔrɔ ni an ye fɛn kalannenw waleya an kan ɲɛnamaya kɔnɔ. An ye fɛn minnu kalan, nafa minnu sɔrɔla olu waleyali la, jaabiw ka kan ka ɲɛsin olu de ma.

Dɔnkili 165 ani kuncɛli delili.

Feburuyekalo tile 28nan dɔgɔkun

Dɔnkili 42

Sanga 10: Ladɔnniyaliw ka ɲɛsin sigida ma. Jatebɔ. Weleweledalaw hakili jigin u ka u ka Feburuyekalo waajuli dantigɛli sɛbɛn di. Hakilila minnu bɛ sɛbɛn ɲɛ 8nan na, olu ta i ka ɲɛjirali kɛ Feburuyekalo tile 8 Réveillez-vous ! ani Feburuyekalo tile 15 La Tour de Garde jiracogow kan. Ɲɛjirali ɲuman wɛrɛ bɛ se ka kɛ.

Sanga 20: “An ka barika da Jehowa ye a ka dusukun-ɲumanya ko la.”b Hakilijigin waati ni a kɛyɔrɔ fɔ. Mɔgɔ min bɛna jɛmukan fɔ, o tɔgɔ fɔ, ani Hakilijigin kɔnɔko wɛrɛw. Ni aw nana se dakun 4nan na, i ka ɲɛjirali kunkurunnin dɔ kɛ. O ɲɛjirali kɔnɔ weleweledala dɔ bɛ deli ka sɛbɛn di mɔgɔ min ma, a bɛ o tigi wele ka na hakilijigin na. Sɛbɛn minnu bɛ kɛ ka mɔgɔw wele ka na Hakilijigin na, weleweledalaw ka kan ka se ka o sɛbɛnw caman sɔrɔ lajɛ bannen kɔ ni u ma sɔrɔ fɔlɔ.

Sanga 15: Ka Bibulu-kalanw ɲɛminɛ minnu bɛ taa ɲɛ​—Tila 6.”c Miniti naani ta i ka ɲɛjirali dɔ kɛ, min kɔnɔ Bibulu-kalanden bɛ ɲininkali kɛ mun na Hakilijigin waati la mɔgɔ bɛrɛ tɛ nburu ni duwɛn ta ka dun. Weleweledala bɛ kalanden fo a ka o ɲininkali kɛli la. A bɛ o ɲininkali sɛbɛn ka bila, ka a fɔ a ye ko ni u tilara kalan na, u bɛna baro kɛ o kan. U tilalen kalan na, weleweledala bɛ yɔrɔ lajɛ ni kalanden ye min tɔgɔ ye ko “Qui est en droit de participer au pain et au vin ?” (A dagalen bɛ jɔni ka nburu dun ka duwɛn min?) ni o bɛ Comment Raisonner gafe kɔnɔ, a ɲɛw 243-4. U bɛ jɛ ka o kalan ɲɔgɔn fɛ, o kɔ kalanden bɛ foli kɛ jaabi ɲuman sɔrɔli la.

Dɔnkili 21 ani kuncɛli delili.

Marisikalo tile 7nan dɔgɔkun

Dɔnkili 12

Sanga 10: Ladɔnniyaliw ka ɲɛsin sigida ma. “Hakilijigindon ɲɛsigikow.” Barokun kolomayɔrɔw fɔ.

Sanga 15: Sigida magow.

Sanga 20: Intéressons-nous aux faibles. (An ka an mago don barikantanw na) (Kɛwalew 20:35) I ka dantigɛli kana tɛmɛ miniti kelen kan, o kɔ i ka baro kɛ san 2004, Zuluyekalo tile fɔlɔ La Tour de Garde, nɛw 17-​18, dakunw 12-​16 kan. A kɛ ɲininkaliw ni jaabiw baro ye i na a fɔ La Tour de Garde kalan bɛ kɛ cogoya min na. Balimakɛ min bɛ kalanjɛ ɲɛdɔn kosɛbɛ, o bila ka dakunw kalan. Baara bɛ se ka kɛ ni o kunnafoniw ye cogoya min na Hakilijigin natɔla in na ani jɛmukan kɛrɛnkɛrɛnnen waati la, i sinsin o kan.

Dɔnkili 192 ani kuncɛli delili.

[Footnotes]