Ɲininkaliw Jaabi
◼ Baara minnu kalifalen bɛ an ma jɛkulu kɔnɔ, an ka kan ka olu kɛ cogo jumɛn na?
Jehowa seerew ka jɛkulu kelen-kelen bɛɛ ka baara bɛ kɛ cogo bɛnnen na, k’a sababu kɛ ko mɔgɔ kelen-kelen bɛɛ b’a cɛsiri ka baara kɛ kelenya kɔnɔ. (1 Kɔr. 14:33, 40) Aw k’a miiri, baara hakɛ minnu bɛ kɛ lajɛ kelen kosɔn. Lajɛ yɛrɛ sen mana bɔ a la, fɛn caman de bɛ kɛ yanni lajɛ ka daminɛ ani fɛn caman wɛrɛ bɛ kɛ a bannen kɔ an balimaw fɛ, cɛ fara muso kan. Baara caman wɛrɛw bɛ kɛ, bɛɛ tɛ minnu kala ma. O la sa, an kelen-kelen bɛɛ bɛ se ka nin fɛɛrɛ kɔkɔrɔdon cogo jumɛn na?
Aw labilalen ka to baara kama. Ŋaniya ɲuman bɛ mɔgɔ minnu na, olu na ko caman sɔrɔ ka kɛ. (Zab. 110:3) Aw ka a jira ko aw bɛ aw mago don banabagatɔw ani mɔgɔkɔrɔbaw la. Aw ka aw sen don masaya so saniyali baara la. An bɛ se ka fɛn caman kɛ k’a sɔrɔ mɔgɔ ma min fɔ an ye. An mago bɛ min na dɔrɔn, o ye a ka diya an ye ka dɛmɛ don.
Baara kɛ nɔgɔya la. Mɔgɔ min bɛ baara kɛ nɔgɔya la, o tigi bɛ hɛrɛ sɔrɔ. (Luka 9:48) Ni an bɛ baara kɛ nɔgɔya la, an tɛna sɔn baara la, an tɛ se min kɔrɔ. Ka fara o kan, ni an bɛ baara kɛ nɔgɔya la, o bɛ an bali, ni fanga dɔ bɛ an bolo, an ka o fanga boli mɔgɔw kan k’a dama tɛmɛ.—Nt. 11:2.
Kɛ dannamɔgɔ ye. A tun ɲinina Musa fɛ a ka dannamɔgɔw ɲɛnatɔmɔ ka kuntigiya-baara don u bolo fɔlɔfɔlɔ-Israɛl kun na. (Ekl. 18:21) O cogo kelen na, dannamɔgɔya jɔyɔrɔ ka bon bi. Baara o baara bɛ don i bolo, o kɛ cogo bɛɛ la k’a ɲɛ. (Luka 16:10) Ni i ye a dɔn ko baara dɔ bɛ i bolo i tɛna se ka min kɛ a tuma na, i ka fɛɛrɛw tigɛ walisa mɔgɔ wɛrɛ ka se ka o baara kɛ i nɔ na ni i tɛ yen.
I seko ye min ye i k’o bɛɛ kɛ. A ɲininen bɛ Kerecɛnw fɛ, u ka baara kɛ ni u ni bɛɛ ye, u ka don o don baaraw la. (Kol. 3:22-24) O cogo kelen na ni an bɛ baara kɛ walisa bato lakika ka ɲɛtaa sɔrɔ, o ka kan ka kɛ kun ɲɛnamaba ye min bɛ an bila ka baara kɛ ni an ni bɛɛ ye. Hali ni baara dɔ tɛ baara ɲɛnama ye, walima mɔgɔw tɛ girin baara min nɔfɛ, ni o baaraw kɛra ka ɲɛ, o na jɛkulu nafa kosɛbɛ.
Baara kelen-kelen bɛɛ ye fɛɛrɛ ye an bolo, min fɛ an bɛ se k’a jira ko an bɛ Jehowa kanu ani ko an bɛ an balimaw kanu. (Mat. 22:37-39) Ni baara o baara dira an ma, an ka o kɛ ni kantigiya ye.