Tila 1: Ka Bibulu-kalanw ɲɛminɛ minnu bɛ taa ɲɛ

Mun ye Bibulu-kalan ye?

¹ Diɲɛ fan bɛɛ, Bibulu-kalan miliyɔn wɔɔrɔ ɲɔgɔnna bɛ ka ɲɛminɛ Ala ka jamakulu fɛ kalo o kalo. Ni an bɛ baara kɛ ni kalan fɛɛrɛ ɲumanw ye, an bɛ se ka o Bibulu-kalandenw dɛmɛ u ka ɲɛtaa sɔrɔ fo ka se u yɛrɛbakun dili ani batɛmu tali ma ani u ka ‘se kosɛbɛ mɔgɔ wɛrɛw kalan na.’ (2 Tim. 2:2) A ka di i ye ka i ka kalanden dɛmɛ a ka se ka o ɲɛtaa sugu sɔrɔ wa? K’a daminɛ nin sɛbɛn bɔli la, dakun damadɔw bɛna sɛbɛn An ka Masaya ka Cidenyabaara kɔnɔ. U bɛna ɲɛfɔli kolomaw kɛ Bibulu-kalan kan minnu bɛ taa ɲɛ, ani olu ɲɛminɛli cogo kan.

² Bibulu-kalan bɛ se ka jate waati min na: Ni i bɛ barow kɛ Bibulu kan waatiw kɔnɔ ani ni fɛɛrɛ ye minnu sigilen don, hali ni baro bɛ kɛ waati kuntagala surun kɔnɔ, ni baara bɛ kɛ ni sɛbɛnw dɔ la kelen ye minnu labilara a kama, i bɛ ka Bibulu-kalan dɔ de ɲɛminɛ. Nin kuma in ye tiɲɛ ye hali ni kalan bɛ ka kɛ dakun de la walima ni a bɛ ka kɛ telefɔni na. Kalan dantigɛli bɛ se ka kɛ ni a ɲɛminɛra siɲɛ fila kalan kɛcogo fɔlɔ jiralen kɔ ani ni an dalen bɛ a la ko kalan bɛ taa ɲɛ.

³ Sɛbɛn minnu bɛ kɛ ka Bibulu-kalan caman ɲɛminɛ olu ye Wajibiya gafenin ani Dɔnniya gafe ye. Ni olu kalanna kaban, ni a yɛra ko kalanden bɛ ka ɲɛtaa sɔrɔ, hali ni o ɲɛtaa ka suma, ani ni a yɛra ko a bɛ fɛn minnu kalan olu ka di a ye, aw bɛ se ka tɛmɛ ni kalan ye Adorez Dieu gafe kɔnɔ. Mɔgɔ minnu ka lakɔlikalan danna sira la walima minnu tɛ se kalanjɛ ɲuman na, kalan bɛ se ka kɛ ni olu ye I bɛ se ka kɛ Ala teri ye! gafenin kɔnɔ.

⁴ Bibulu-kalan baara ye nɔ bɔ ka mɔgɔ miliyɔn caman dɛmɛ u ka kɛ Yesu Krista ka kalanden sɛbɛw ye. (Mat. 28:19, 20) An bɛ se ka Bibulu-kalan ɲɛminɛ min bɛ taa ɲɛ, ni an bɛ to ka baara kɛ ni hakililaw ye minnu bɛna sɔrɔ sɛbɛn nataw kɔnɔ.